合和飯店 Hopewell Hotel | 大堂咖啡廳 | 半自助午餐 、半自助晚餐 、下午茶

經Klook訂枱，灣仔合和酒店（Hopewell Hotel）的 大堂咖啡廳（Lobby Café）半自助晚餐。 餐廳裝修時尚，枱與枱之間很闊落。 食物選擇合適， 當晚海鮮有蟹腳，蝦，青口 ，燒牛肉……西湯~忌廉湯， 中湯~蓮藕豬踭湯， 白切雞……，壽司， Parma Ham ，芝土，豬肉燒賣， 蟹肉沙律， 沙律菜很新鮮，甜品有Movenpick雪糕， 朱古力麵包布甸， 朱古力梳乎厘 ……都好好味。 食物refill得快。慶祝生日預早告知餐廳可獲免費甜品及寫字服務。 餐點口味：好味 服務：員工 友善 nice 餐廳環境： 舒適 體驗：滿意 價格：合理

餐廳環境乾淨舒適，枱與枱之間寬敞，空間不會太迫，不會容易聽到隔離枱食客談天說話，非常好。 雖然是半自助晚餐，但自助餐飲區食物選擇足夠，涷盤有蟹腳提供亦是賣點之一，蟹腳和海蝦有鮮味，味道不錯👍🏻 沙律有非常多選擇而且味道不錯，如果喜歡吃沙律，這裡是值得光臨的食店。 中西餐湯溫度夠熱，很好喝，但餐包很硬很乾不鬆軟，大為失色。 有小量中式點心和熱盤，甜品區生果蛋糕只有一個，之後再refill已經沒有生果蛋糕了，換了其他。甜品選擇多而且有movenpick 雪糕，新鮮生果，有即磨咖啡機，冰紅茶和Twinings茶包。 主菜可以加錢追加，主菜可以自由選擇加或不加，但即使不加主菜對我和同行朋友已經很飽了。 總結，對細食和喜歡食沙律和水果，這裡是非常不錯的選擇，沙律款式多，普遍很多食物的味道都很好味，是滿意的一頓晚餐👍🏻

今次係我第二次嚟呢間酒店食半自助餐，上一次係同朋友嚟，今次係同家人嚟慶祝自己生日，感覺比上次仲好。 因為所有服務員都好有禮同服務態度非常之好，真係要值得一讚，當晚牛扒非常好味，南瓜湯好creamy，仲有雪糕pancake食，座位安排非常之好，滿足到我要求比較寧靜既座位，再加上尾聲仲安排咗件生日蛋糕比我，所以整晚既體驗都非常滿意，會再次嚟食同介紹俾朋友👍😉 服務：無得頂 體驗：👍

服務：想讚吓email覆我嘅Mavis。我同朋友去慶祝生日，但之前唔記得通知酒店，我即日上午send email request 生日蠟燭，佢哋都即日中午可以安排到，非常appreciate! 食物方面：雖然係話Semi buffet, 但食物種類都算多，有好多都係飽肚嘅食物，所以都無叫主菜需要。中式點心有3款：燒賣、叉燒包、馬拉糕，另外有焗豬扒飯、冷麵、壽司、即場煮粉麵。沙律種類就太過多、而且味道一般，甜品種類少又無咩特別，除了有Movenpick 雪糕同梳扶厘係good。每人送上一份主菜，係燒牛，非常好食，個gravy都做得好。慶祝生日仲送件大蛋糕+馬卡龍。

媽媽生日所以帶佢黎食lunch buffet, 我都係第一次黎，成個體驗都幾好，staff斟水收碟都好勤快，食物都keep住refill, 亦比我預期多嘢食，d嘢食都好食，甜品都算多款，個complimentary dish都好驚喜, 舊和牛同薯蓉都好好食，媽媽成餐飯都好滿意！

餐廳環境：闊落，空間大 體驗：良好 餐點口味：食物種類雖然不算多，但亦有日式食品，沙律有4-5款，點心3-4樣，中湯西湯，熱盤串燒，水果，甜品，糕点一應俱全錯另每人可享一份厨師特制黑松露鱼子海鲜餅，食物質素良好，吃得開心。 價格：$226/位半自助午餐，能在湾仔中心的酒店來享用，性價比不錯

半自助餐食物款式選擇算很多.. 質素亦很好.. 服務態度好.. 唯一要彈的就是正正1:00可能午飯時間全餐廳滿座10分嘈吵要排隊取食物..這餐半自助餐我10分滿意..我會比90分..亦會介紹朋友及下次再來..😋🙏🏻

第一次到合和酒店食半自助午餐， 之前看 評價，很多人都讚。 的確唔錯， 對半自助午餐來講，算多野食。食物質素高， 特別個沙律bar，食材新鮮。還有珍珠奶茶， 刨冰。 每人一客帶子，不硬，好好味道。同事們都食到十分飽足。 性價比高！日後還會再幫襯。。。

無論食物，環境和服務，都真係唔錯，尤其是蟹肉沙律，長蟹腳，前者很足料，味道很好，後者解凍一流，蟹肉一梳梳好結實，啖啖肉，重點是唔鹹，實在無得頂，其次甜品亦很出色，尤其是即製薄餅，配合雪糕食一流，還有若有朋友生日，可和餐廳說明，吹蠟燭食蛋糕，哈哈～🤣

餐廳環境乾淨舒適，枱與枱之間寬敞，空間不會太迫，不會容易聽到隔離枱食客談天說話，非常好。 雖然是半自助晚餐，自助餐食物沒有預期咁多選擇，但質素都ok，以這個價錢食半自助可以接受。凍盤有蟹腳提供亦是賣點之一，蟹腳和海蝦有鮮味，味道不錯。沙律選擇非常多。食物不停refill，還有movenpick雪糕。