香港海洋公園萬豪酒店自助餐 Hong Kong Ocean Park Marriott Hotel｜海灣餐廳 Marina Kitchen｜自助午餐、自助晚餐｜品嚐自助美食免費享用兒童遊樂天地

餐廳環境：不算好大，我係買到$100 所以一個人去食，座位都寬闊 服務：幾好的，人手足夠 體驗：超級開心搶到$100 😂但只搶到一人，我懷疑一日只有一個quota 餐點口味：呢度出名蒸龍蝦，我自己就一般。蟹腳好食，師傅不停refill！全場最好食，我覺得係叉燒，好食到要攞碗白飯送😂 價格：100分👍🏻

無限供應的蒸龍蝦，師傅非常細心和有耐性，為咗滿足客人，不停refill和整理；刺身，非常新鮮和鮮甜，師傅亦都很有耐性去處理刺身；雪糕選擇非常多！甜品，質素就麻麻哋；同事服務態度殷勤，值得一讚。小小美中不足就是餐廳環境和氛圍，不似是一間五星級酒店的餐廳。

香港海洋公園萬豪酒店自助餐，6時入座時經過甜品部已經深深被吸引，款式超多，不斷refill，而且每款甜品都有非常美味。藍色雲朵蛋糕係咸蛋芝士蛋糕，單是外觀已經非常吸引。淡淡的咸香和smooth而濃厚的芝士，令人回味。綠茶紅豆蕨餅，甜度剛剛好，超QQ，係香港食到最好味的綠茶蕨餅。好味過sogo果d。清蒸藍澳龍蝦，啖啖肉，鮮甜好味，可配統統豉汁、冬陰功咖哩汁，芝士汁。我配過芝士汁同冬陰功咖哩汁。我覺得冬陰功咖哩汁好特別，令龍蝦味道再升華，回味無窮。是日靚湯係金華火腿花膠燉響螺頭，真材實料，好適合入秋飲。泰式燒烤，現場即燒，十分juice。 餐點口味：10分 體驗：10分，值得再encore 服務：10分，員人好nice,換碟好快 餐廳環境：10分，好大空間十足 價格：10分，因為用了Klook買2送1優惠，所以cp值極高

Klook 訂購方便快捷,又有不同的組合可供選擇,另外在餐廳取遊海洋公園門票過程簡單便利,不用等,非常讚! 自助餐方便,酒店職員服務細心、殷勤,換碟速度快,食物種類多,牛扒美味、甜品及沙律選擇多。食完自助餐,和家人在海洋公園渡過了一個快樂的下午, 十分滿意!

主要亮點係清蒸龍蝦同凍海鮮（青口、蝦、麵包蟹、蜆、蟹腳）。中式熱菜在龍蝦檔口附近，主要都係炒海鮮，大約有4-5個菜式。有一個壽司檔（有吞拿魚、帶子等刺身），一個燒烤檔（有幾個湯），一個天婦羅檔，一個麵檔，菜式應該要睇翻即日供應。特別嘅菜式係片皮鴨和燉湯，應該日日都有，個人覺得燉湯幾好but片皮鴨麻麻地。餘下都是甜品，有超多甜品。雖然菜式種類數量唔算繁多但都算多嘢揀，食物質素高，海鮮都算新鮮。環境同氣氛好，不過餐廳都幾多人，我去嗰日滿座。服務都好好，收碟超快，雖然有時行開下未食晒佢都收咗。klook買已經包咗+1呢樣最好，唔使食食下要另付+1。

今晚顧客不多，用餐環境很好，重點食品是蒸龍蝦，帶子和長腳蟹腳，牛扒羊扒也很好味。熱盤選擇略少，甜品品質也不錯，侍應服務也很好，值得稱讚。總體而言，質素keep到水準。 評分：8/10

食物各式各樣豐富又美味，餐廳環境舒適又衛生，客服高級女侍應Miki專業有禮又細心，侍應收碟快而食物補給很快速！尤其客人們比較斯文不會搶食，但希望大人家長們留意因小孩子太小年齡而大人不陪同下，經常性把食物夾掉落地上，幸好其他客人通知侍應們快速更換！也出現小孩子用手直接接觸食物和拿不到玻璃碟下全部打碎的情況，這種行為並不是在沒有大人陪同下培養孩子的「獨立性」，而是疏忽管教兒童影響其他食客和食物衛生！希望家長們做個有「責任感」的成年人，自助餐就會一切安好，福生無量！

我們在萬豪酒店的Marina Kitchen度過了一個美好的母親節慶祝午餐。環境很棒，食物選擇多樣，所有工作人員都非常友善和樂於助人。我們會再次光臨Marina Kitchen。😍😋

接近復活節，有母雞，公雞，小雞裝飾幾可愛。買一送一好抵食，食物種類繁多，質素中上，服務ok,性價比高。好多小朋友係海洋公園玩完黎食buffet,有夾糖concer好貼心❤️

經常性惠顧「海灣餐廳」自助餐，食物水準十分高又中西美食款式齊全，尤其甜品令人驚喜！另外，高級客服女侍應Miki待客專業細心又友善有禮，而其他侍應收碟極快速又十分友善，客服水準高值得嘉許！