L'AMOUR 法國菜｜無限任食生蠔、米芝蓮三星團隊打理｜中環、大埔

今次預訂利間餐廳主要係為男朋友慶祝生日。原本預訂左8pm，但果日我地早左行完街，早左半個鐘去到，咁岩又有枱，店員就安排左我地入坐。 入到去店員就比左份menu 我地，因為雖然我地係預訂嘅係任食生蠔個餐，但都需要揀返沙律，餐湯，pasta，主菜，同甜點。 因為我地想試唔同嘅野，所以我地加錢轉左部份野食。沙律有parma ham 同蟹肉沙律（加$），餐湯有甘筍湯同龍蝦湯（加$），pasta 有蕃茄意粉同小龍蝦薏米飯（加$），主菜點左一份 lamb chops同比目魚，而甜品就兩個都點左巴斯克芝士蛋糕。食物質素方面，餐廳一啲都唔求其，我哋一致覺得餐廳用新鮮嘅食材，尤其係生蠔，食到淡淡嘅海水味，我自己偏好法國生蠔，因為夠大隻同creamy。份量方面亦都好足，一啲都唔孤寒，蟹肉沙律啲魚子同蟹肉係用魚子醬嘅罐罐上，而且係滿滿嘅。味道方面，甘筍湯帶有少少嘅甜味，龍蝦湯就有好濃郁，稠杰度岩岩好，唔係啲水汪汪嘅湯。蕃茄意粉略嫌有啲偏硬，但味道是可以的，唔係蕃茄醬撈意粉。薏米飯感覺好新穎，好多小龍蝦同魚籽。lamb chop 叫左medium rare，不過上到枱似係well done 左，不過啲肉仍然好嫩。魚扒皮脆肉嫩，清清地。芝士蛋糕就感覺一般，正常芝士蛋糕味，無特別驚艷。 服務方面，所有店員都好好禮貌，而且反應都好快。本身加錢order左薏米飯，但上錯左兩個pasta 比我地，同左女店員講左，佢地都好快上返個飯比我地，而且request refill 生蠔同酒都好快。我地個餐重多左個海膽多士，開頭以為上錯左，因為隔離枱冇，但問返女店員先知原來經klook訂，係送兩份海膽多士。係咁忙嘅情況下都能夠保持良好嘅服務態度，真係要比個like佢哋。 環境方面，唔會坐得好逼，但因為咁岩我坐個位係兩張梳化嘅中間，凹左落去，坐得有少少唔係咁舒服。 整體黎講，成個體驗都好好，cp值好高，有機會revisit 利間餐廳，依家做餐飲業真係唔容易，希望佢地可以keep 水準，加油。

沒想到無限供應的生蠔品質這麼高！生蠔真的非常新鮮，而且無限量供應。六道菜的套餐非常美味。

這頓五道菜的餐點美味得令人難以置信，每一道都超乎預期地好吃，再加上無限量供應的生蠔更是當晚的重頭戲。生蠔的品質和大小都比我預期的還要好，服務和補給速度也很快。對於喜歡生蠔（或美食）的人來說，這絕對是必訪之地。

我去這餐廳吃午餐，中午時份客人不多，我買的是兩人無限任吃生蠔套餐,我們兩個人一共吃了二十七隻生蠔,生蠔好新鮮,套餐內其他食物也好味,物有所值，極力推薦！餐廳環境不錯，waiters 的服務態度也好，更在我們的甜品碟上按我們的構思設計了祝福圖案,貼心👍

任食生蠔新鮮鮮甜，好食 白松露蟹肉沙律👍🏻 是日餐湯甘筍忌廉湯好飲，另外揀法式花膠濃湯比較濃味，個人比較喜歡甘筍湯， 廚師精選意粉，黃油蟹粉意粉都好味，龍蝦帶子薏米飯比較濃味 買一送一 好抵👍🏻 咁啱撞正差唔多Halloween員工都cosplay衣著變做制服🤣

食物質素好，生蠔、花膠濃湯、龍蝦意大利飯、海膽雪糕也十分美味，而在Klook訂餐獨有的海膽多士也非常不錯，海膽鮮甜而多士十分香脆；美中不足是我Order的是五成熟的牛扒但上枱看到的是7-8成熟的。最驚喜的是侍應們的服務態度十分好，收碟速度十分快，亦有主動了解我們是否需要再添加生蠔﹗

選擇了太和店,地方較細,枱數不多。訂後就收到店舖WhatsApp 提供地址路線圖，很貼心, 並預早可揀選主菜。生蠔大隻，第一round一打有齊三種, 之後中意邊款可揀邊款，服務質素好。主菜就一般水平啦。加咗錢轉海膽雪葩，值得一試。慶祝生日有紅酒送同甜品可寫字。

食物很棒，份量也很足，尤其是生蠔的品質一流。服務也很好。我提到這次用餐是為了慶祝母親節，他們甚至特別準備了甜點盤裝飾，非常貼心。唯一美中不足的是，價格不包含10%的服務費，這點沒有在初始價格中說明。這個小細節讓人感覺有點被欺騙。希望Klook上能清楚顯示最終價格。

這間餐廳的環境太昏暗了——光線非常不足，很難看清楚你實際上在吃什麼。至於免費續點的生蠔和海鮮拼盤，每次續點都必須點一整盤，而不是選擇單個海鮮品項。而且每次續點的份量都會加倍，這使得更難吃完。如果你無法吃完免費續點的餐點，他們會收取原價$688，這讓客人猶豫是否要點更多，因為感覺既浪費又有風險。

買一送一優惠非常之化算，餐廳情調很浪漫，生蠔任食，有三款生蠔，每次每人兩隻，其他食物質素非常高，選了鵝肝牛扒及羊架，非常美味，地點方便，加了兩小時紅白酒FREE FLOW, 每位$199加一