海洋公园 + 美食 (包入场登记及旅游巴)

行程安排满意，旅游巴接送时间很准，整体都不错！

我买左门票+午餐+单程接送$298，呢个package真系抵到烂😁 全日玩得好开心好舒服，因为人唔多，减少左好多无谓既排队时间。午餐有4间指定餐厅选择，我地拣左湾景餐厅，贪渠view好，去到竟然即时有位，唔洗排队。午餐点了吉列猪排，好食就一定唔系，但算过得去，朋友点了绘牛腩饭，佢话味道好淡，唔好食。整体而言，全日都玩得好舒服，人流冇以往咁挤迫，可以去到更多景点，值得推荐👍🏻👍🏻

非常抵玩👍🏻价钱已包入场及午餐🍽大家玩得非常开心。早上9:45到中环站集合，领队Pauline有礼貌、笑容亲切，带领入场后已可自由活动。当日天朗气清☀️影咗好多靓相。午餐有4间餐厅可选，我们拣了环境最靓慨餐厅午膳🍛🍝食物质素不错，选择种类亦萛多，而且份量超足够👍🏻肚子很满足。一日时间要睇动物🐼又要玩机动游戏🎢真系唔够时间😊会计划再入场再玩过。

暑期去海洋公园超值之选~ 虽然集合果时落大雨，但无阻我哋捉住夏日慨尾巴带领慨导游Ben sir好专业・ 幽默。价钱包咗导游旅游巴士入场门票同午餐套餐＾＾ 同屋企人拣咗去海洋冰室，咕噜肉同巴东牛肉都好好味咖喱鸡就麻麻地。暑假剩底唔够一个礼拜。希望畀到其他人参考啦~o(￣▽￣)ｄ good

早上9:45在香港站添好运集合，一行二人进食十款点心，真的会太多，可能太早关系，食唔晒🤣，如果下次会选乐园餐！大约10:45集合上旅游巴去海洋公园正门，女导游非常专业在车上会讲解行程及各样事宜，估唔到门口真系好多人等进场，我哋系团体飞所以有另一边入口，之后就各自玩乐。这个价钱真的非常抵，所以下次一定会再购买

活动当天直接到指定地方集合，我们是在K11, 都到就能看到导游。而上车后，会先到中环接人，就都海洋公园了。会派发入场卷和餐券，餐卷可以换到的食物很多选择，而且有饮品，甜单，很化算。如果下次都再有这个package 都会继续买。

很满意的选择，一张平时入场券的价钱，今次行程包了旅游巴送程、入场券、还有4选1的餐卷（主菜、饮品及甜品）。尤其是餐厅的景色，特别一赞👍🏻。小tips, 餐厅平日可以用GULU 取飞，不用坐定定等位。下次一定跟这package, 已推介给朋友👍🏻

价钱好抵，添好运点心好好食，领队好有耐性。相信系最平既海洋公园门票，有旅游车送到去正门大约15分钟就到。好耐冇去海洋公园，咁啱有奥运选手嚟，都好近距离同渠地接触，唯独系某些机动游戏排2小时太长，如果长者只去行行d馆是很不错的。

刚好拣啱日子到海洋公园游玩，当日正是霜降天气稍凉。套票好抵包入场券及一个餐，由朝早十点可以玩到夜晚十点，适逢十月尾有万圣节🎃，非常尽兴，不过失望之事，表演剧场暂停演出。唯有入海洋🦭馆、北极企鹅🐧馆、熊猫馆🐼、水母馆探吓可爱动物。乘搭缆车上山，我当日选择午餐🍽有饮品、正餐、布甸仔甜品🍮，份量足算唔错，食饱有气力，当然系去玩下机动游戏啦，玩完一轮就会落返山去香港🇭🇰怀旧大街行吓，到咗入黑就梗系去🧟‍♀️扮吓罗兰姐慨Hel哈啰喂全园啦

买这个package完全是因为价钱取胜，自己买海洋公园票都要$360, 现在只需要$298, 用ZA card更有11％回赠，即是$265！包入场券，仲要包埋一餐。拣咗湾景餐厅叹靓风景，食物也不错（包主菜，饮品同布甸）。个餐值$150左右，而家套票包埋，真心超值！咁平因为旅行社有政府资助，所以先咁平。早上集合因为有人迟到，所以要等多几个字先上旅游巴。导游麻麻地，俾我感觉压唔到场。只是这不重要，因为去到海洋公园已经解散，各有各玩。最重要系平。