【Špeciálna ponuka pre rodinnú zábavu】Ubytovací balíček v hoteli Zhuhai Ocean Spring Resort Sail

滿分之旅！雖然酒店位處金灣區較偏遠，但無敵海景真係好靚，尤其日落時份，沿住海傍長廊散步勁舒服！酒店免費升級為海景房，露台欣賞海景一流，連浸浴都可以睇住海景，真心驚喜！留意住兩晚的話，雪櫃內附送的飲品要飲咗先會添加番，毛巾&沐浴用品則會換新的。我選的是一間兩晚，一個價錢包兩天早餐&一套$200的膳食，當lunch/dinner絕對夠飽，園區內亦有其他餐廳可選，也有便利店可買唔同食物，食方面唔難解決。住宿套餐包埋玩，可透過人面識別無限次去神秘島，有機動遊戲、5D電影院、卡丁車等，估唔到更有玩雪館，天氣炎熱俾¥20入去當避暑都抵！無動力樂園都好多嘢玩，只係太陽勁曬勁熱所以無乜點玩，秋冬季節可能較適合。萌寵樂園啲動物幾得意，有啲可以抱同摸，第一次見雀仔孵化、趕豬仔，特別體驗！夏天去必定要玩水，加勒比水樂園&酒店泳池都唔錯，人多就無可避免，有心理準備。因天氣熱，所以無浸到溫泉評價唔到，但經過入去溫泉中心都覺得幾具規模。酒店有playroom，亦有手工製作工作坊，小朋友都好享受。漁人碼頭的夢幻劇場較適合中年人，因為係以香港懷舊金曲為主題，小朋友未必投入到。酒店有電瓶車代步，7-10分鐘一班，但就算步行都好快去到唔同設施。整體面言各方面都做得唔錯，員工親切樂助，輕鬆去玩去hea的話一流。

我想特別表揚酒店的客服「斯斯」，我昨天來到珠海的時候一直暴雨狀態，全天都沒有停過雨，我本來買了神秘島樂園套票，因下雨所有戶外活動都未能夠玩樂，所以我向酒店那邊要求轉為溫泉套票，由於我的普通話不太好，幸好「斯斯」幫我處理和跟進了，真的非常感激！而且後台微信客服的服務也非常有效率，我需要兒童用品3分鐘便送來了！今天7月30日，前台有4-5個都是女職員，她們都很她服務，雖然不知道她們什麼名字，但是都想讚揚她們！另外原來的司機全部都非常好，班次很密幾分鐘便來一架車，所有司機都非常有禮，而且他們都很主動地問我們想去哪兒，而且我們不熟悉這個地方，他都很主動和耐性地向我們分享講解！希望酒店管理層都可以獎賞一下這班司機，的確都很好！另外酒店的早餐非常豐富，而且食物很多也很新鮮，款式種類多到好像吃午餐一樣，確實是性價比高！

預訂後好快確認，房間空間足夠，已經有兒童備品。枕頭和床承托力足，瞓得好。房門外放了一個帳篷有點搞笑，其實放房內會好啲，因為唔想細路在門外玩家長又睇唔到佢。另外酒店無洗衣設備。大堂旁邊遊戲室大家留意波波池不算太乾淨，細路周圍拋波出去，職員都係就咁執返落去個池。 溫泉、戶外樂園、萌寵都要刷臉才能進入，在大堂可以辦理。車牌也可以錄入。 出酒店大堂左邊落樓梯，步行不遠就到溫泉區。天氣熱我們都係玩下水就算。 戶外樂園入門右邊有適合小童遊樂區，但1米以下大部分都玩唔到。今次無去玩水區和無動力區，因為太熱。 酒店叫外賣可以送到大堂自提，要預1小時左右才能送到，最好玩完回程落單就差唔多。

訂的是klook親子房，但床單咩都冇鋪，成間房得牆上一隻美羊羊相片，基本就係豪華房。酒店前台話klook嘅親子房圖片是錯的，如果要鋪床單嘅叫主題套房，所以訂左klook親子房嘅要有心理準備同豪華房差唔多。我哋唔接受，最終交涉幾次先肯俾番有鋪公仔床單嘅房我地。事前電郵酒店講要慶祝生日，酒店話冇收到電郵咩都冇準備，後尾先補番個蛋糕。 三日兩夜體驗感一般般，劇場是岩老人家聽，酒店衛生一般，廁所有霉，浸溫泉可以，場地都幾大，但有點偏殘舊。而遊樂場設施也算可以，人少，不過再大一點的小朋友會覺得悶，適合低齡。萌寵樂園睇小動物就有點樂趣，但場地細好快行完。感覺這間酒店定位是浸溫泉，聽粵語歌的快閃旅行團或兩日一夜遊。若果帶小朋友的就不太推薦，地方偏遠，叫車難又貴，食野也是不方便，係餐廳食價錢偏貴。下次不會再來，不太值得。

當日晚上九時才到酒店，大堂經理很快安排入住酒店。A1093 姨姨太到友善很樂意幫忙我們沒有內地電話號碼所以不能連接酒店wi-fi她幫忙用他電話收取驗證碼把我們全部人五個電話到連接wi-fi。早餐款式很多，味道也不錯，衛生環境很好，酒店用的沖涼洗頭水也不錯，無邊際泳池很靚打卡一流。神秘島設施有點舊不過房間價錢也可以包括很多遊戲。神秘島的水上樂園衛生環境很一般，最刺激的兩條滑梯想不到要150cm才能玩。小朋友上年在海洋公園也玩了七彩天梯，但在這裏卻不能玩。第二天晚上曹經理和黃主管親自把果盤送到房間，還詢問對酒店的意見。可惜時間不夠還未能去萌寵樂園遊玩。整體也是一個愉快的體驗下次有機會會再去。

酒店很好 很新 很適合帶小朋友入住 地點偏遠是唯一缺點 距離市中心差不多一小時車程 事前 出了一點意外 想分享一下 因為小孩生病了未能如期出行 5天前聯絡Klook客服提出轉讓給家人 亦有打電話給酒店 酒店也說轉名沒問題 同時 也按Klook要求提供小孩住院生病的證明 一直催一直催 終於在入住前一天的晚上才收到通知可以轉讓 Klook真係可以做得好一點…………..

出發前一晚10點幾先book酒店，第二朝一早未到9點收到Klook訂單確認，十分有效率👍訂咗雙人房+早餐+神秘島。去到酒店升級到喜洋洋親子房，房間有浴缸同露台，重有掠衫架。夜晚9點返到酒店，見到酒店送左水果😁神秘島有啲舊，但係入面有個水上樂園，幾適合小朋友玩。另外萌寵樂園都唔錯，小朋友餵動物好開心。重有一個馬房，可以騎馬同餵馬。

珠海帆酒店環境優美，設施嶄新，房間乾淨整潔，入住舒適。員工熱情友善，特別感謝是樓層主管麗姐（工號A1196）及前台在我們遇到房間異味和熱水問題時，主動幫忙更換房間。唯一美中不足的是酒店可主動提供更多園區設施資訊，例如餐廳營業時間等，尤其在園區餐廳選擇不多的情況下，提前了解能更好安排行程。總體而言，是次入住體驗愉快，推薦給計劃前往珠海的朋友。

第三次入住。很多流程都知道，所以办理入住非常快、效率高。唯一不好就是Klook上没有说清楚小孩额外费原来只是【一天】而不是跟套票里的三天两夜。变了多付了¥300，大家要注意‼️。 我们这次四个家庭一起入住，虽然是安排同楼层，但被安排不同区段。两区之间并不是很近，要走路5分钟左右。其他的都很满意， 期待下次再来！👍👍

酒店尚算新淨。房間舒適, 房內Mini bar免費。早餐選擇豐富，餐廳環境靚，對海。可以無限次任浸海洋温泉。夏天温泉不算多人。園內有電瓶車很方便。唯渡假村內餐廳選擇不多，叫外賣送達需時。 整潔度：⭐️⭐️⭐️⭐️⭐️ 早餐：⭐️⭐️⭐️⭐️