【Časovo obmedzená ponuka】Ubytovací balíček v hoteli Zhuhai Jinwan Maolin

Package已包樂園同冰雪門票，又包自助早餐，klook比其他平，酒店好大，房間整潔，親子房有兒童浴衣，拖鞋，兒童沖涼用品，牙刷等，我地3點15分到酒店check in，櫃檯話如果要一齊既話就要等到4點先有房，因我地係2家庭一齊去，當然想係隔離方便照應啦，但係唔知點解要隔左一間房，可能暑假多一家老小去玩掛。酒店有露天泳池，樓下已經係playhouse，行過對面就可以溜冰了，就算呢幾日落雨都唔怕，另行出酒店對面就係一個大型商場，入面可以行街食野，小朋友玩得好開心，下次會再係klook買票

酒店超級大，人員服務很好，也主動介紹酒店不同設施，房間也十分大，兩個遊樂場沒想像中超級大，但都已經追小朋友追到氣喘，因為我平日淡季去，所有限時的遊玩設施都變成不限時，玩得特別開心滿足！ 酒店早餐自助餐普通，可能人少所以也提供較少款式，但是無期望的晚餐自助餐卻喜出望外，雖然不怎吃海鮮，但有即煎答種肉類，羊架之類的，味道也不錯👍🏻 溫馨提示有小朋友家庭記得準備蚊叮蟲咬的藥，酒店對面就是商都，不吃酒店自助餐都很多選擇

由珠海去到酒店租咗房車人民幣$260，回程也是$260，坐到6大5小加行李。另外買一大一細門票兩日任玩$399人民幣。如果淨係買大人就222人民幣。酒店對面係大型商場食嘢shopping都冇煩惱。如果落雨記得帶遮，因為係露天行過去嘅。如果有生日佈置可以提前寄去前台，不過最後都會送咗去酒店入面嘅蜂巢自取櫃，超市最多收$3人民幣都好方便。用微信同酒店講慶祝生日佢會送蛋糕同埋送啲少量氣球佈置在床上。另外注意一下就係香港喺自助機買金巴飛，小童要用小童八達通，同埋只可以嘟一次，假設你再想買多張小童佢係唔容許嘅。萬一買唔到就去人工售票處。

適合一家大細來玩三天兩夜，有得玩雪，有得玩Playhouse，對面有個濕地公園也可以去走走。過條馬路就係大型商場(華發商都)，很多餐廳可以選擇，不愁沒有美食。 早餐：豐富，可以早點來避開人潮,九點開始很多人. Dinner buffet 有凍海鮮, hot pot, 味道正常，但 吃buffet 便沒有時間玩。如果想多啲時間玩去對面商場吃, 話叫美團外賣 會方便啲

Klook買飛，一向平靚正快,酒店好新及好大,感應燈同自動窗簾及無邊恆溫際泳池打卡一流。閒日去最正少人,走果日係星期六就相對多啲人. 兩日任玩，有7款VR任玩,揸車,波波池,粗粒沙池,撈金魚,bowing,碰碰車………. 缺點兒童樂園冷氣吾太大,小朋友玩到出汗及建議著防跣襪,都幾跣下. 冰雪樂園地方大而且有溜冰⛸️,漂雪，冰上揸車,,冰滑……,吾算好凍。

2024年1月底正式開業的新酒店，好大，裝修偏老土奢華風格。大堂採用外國進口大理石、房間廁所用日本TOTO潔具。Check in時加¥200升級做親子房。早餐時段只到9:30: 我們9:00入座，9:20有廣播早餐時間成剩餘10分鐘才知道😑但已經開始收食物了🥘飄雪運動城還施設還可以，勝在週日人也少。兒童遊樂城很好玩，3歲跟8歲小孩同樣玩得樂而忘返😊

如果唔係一定要於通公仔或追求房空間感，小廁所，腳踏小牙刷果啲，自助早餐呀咁（叫有野落肚😏），真係可以唔駛住呢度都得。酒店泊車係free不論妳係咪入住行過都泊得。佢既冰雪城同兒童遊樂城喺大衆買票都係400港紙就有齊兩個遊樂場既雙人票因為買一送一。個遊樂城好玩既～好大～碰碰車排完又排玩左好多轉，星期日下午打後同星期一都唔多人，就算要排隊都好快到，有見某啲留言話衛生好麻麻，酒店房合格，我都抱住搏一搏既心態，遊樂場個釣魚池就真係污糟到不堪入目，好心掉左佢，其他遊戲機果啲都OK~波波池同沙池好大亦乾淨，見到有lego枱同動力沙玩，不過我地無玩唔清楚，主力玩刺激，爸爸玩VR都覺得唔錯，第二日去冰雪城就失望左啲，呢邊比較舊，佢有冰上單車但呢個場太細其實好好玩可以飄移，我地唔識溜冰，個溜冰場就好大，識玩一定好正，好多遊戲機任玩。同埋一啲都唔凍，小朋友一件薄外套就ok,男人T stirt夠，但玩雪就一定要有手套，同較防水既外套連帽。場內有得自助買手套，但要支付寶同wechat個信用度夠高，掃code後先開到個自助購買櫃個門，開到門攞左咩就自行喺app度付款。我買唔到，小朋友興趣亦不大，坐住個盤滑冰梯我仔7歲，玩一次就夠～佢情願打機。 整潔度：75分 酒店地點：90分對面有商場 服務：100分廁所仔要用一入住就要講佢攞定比妳，我地打去問延遲退房，最後由12可延到2點。 早餐：70分叫有野落肚啦，10點完，9點45都仲比入只係野食無咩淨，有得排即整夾餅我懶等，鮮果沙律幾好食，多士自己烤，其他野就⋯⋯ 整潔度：房間100分 遊玩設施70分

酒店簇新, 房間設備又新, 又提供小朋友 paul frank welcome kit. 房間佈置令小朋友開心滿意, 汽車免費任泊, 往返附近商場便利, 附近商場應有盡有, 泳池無邊際, 比美香港5 星酒店, 玩樂室好玩令小朋友, 樂而忘返! 食自助早餐豊富, 供應食品台差不多有100米長的, 0700-0930am, 建意早些去食自助早餐. 自駕酒店之精選, 有吾少 香港人入住, 極力推介!

playhouse超級好玩!玩咗兩日都唔厭，大人細路都玩到唔捨得走～泳池幾好，開到夜晚九點，食完飯可以慢慢去游夜水！酒店隔離過條馬路就係商場，超級方便，啲餐廳嘢食質素都唔錯！夏天避暑幾好！冰雪世界就細咗啲，對細B嚟講就麻麻哋～

可能新開關係，人流比較少，相對上玩得輕鬆，酒店對面便是商場，可惜商場食物種類唔多，玩亦都冇乜嘢玩，套票包娛雪及playhouse , 小朋友可以放電幾個鐘，唯一缺點係，雖然酒店新開，但裝修設計比較「復古」😂，房間裝修味很重，建議酒店，我擺放空氣淨化機改善 。