《農夫全香港最好笑嘅演唱會》

農夫出道26年再踏紅館 誓要搞「全香港最好笑嘅演唱會」

香港地道嘻哈組合農夫（Fama），由C君（鄭詩君）與陸永（陸永權）組成，2000年出道至今，由「地下Rapper」發展到成為「全面創作人」，誓要全力創作一個能夠令觀眾跳一晚、笑一晚嘅演唱會。回顧農夫的紅館之路，他們早在2010年6月已舉行了首個紅館個唱《Down to Earth演唱會》。當年他們以「太空人」及「野人」造型從天而降，留下經典回憶。相隔16年，在出道第26個年頭，他們終於再度獲邀以「農作物」的造型重返紅館這個夢寐以求的舞台。

相隔16年的第二次紅館騷，農夫融合音樂及棟篤笑，命名為 《農夫全香港最好笑嘅演唱會》 ，顧名思義，主菜是一場大型「集體開心派對」。農夫笑言：「我地嘅演唱會唔敢話最好睇、最好聽，但好可能係最好笑，因為人地啲演唱會係唔講笑嘅！今次目標就係希望觀眾入場，起碼能夠獲得一個開心嘅晚上。」為了令觀眾開心，農夫設計了很多全場「一齊玩」的環節。C君解釋：「只要觀眾開心，歡迎大家入場玩到我謝，由開show玩到鳴謝。」