Klook今次搵黎Runhotel.hk創辦人Vincent同大家分享,能夠不斷去試唔同地區嘅酒店,成為一個全職酒店試睡員,真係令人羨慕妒忌同恨呀!Vincent一開始係喺寫英文同喺台灣網站寫blog,後來香港blog儲到一定人氣,接到贊助商及工作,便決定投身全職旅遊blogger行列。

Klook:「Run Hotel呢個名係點得嚟?」

Vincent:「當初係打算介紹自己旅行住嘅酒店,不如叫『搵酒店』,英文就叫『Run Hotel』啦(取其諧音)。」

Klook:「當初點解會成立Runhotel呢?」

Vincent:「最初嘅理念係希望可以不停去旅行、不停去玩同享受。」

Klook:「目前為止住過幾多間酒店呢?」

Vincent:「大約4-50間左右,以亞洲區短線例如日本、泰國、台灣同澳門為主。」

Klook:「平均幾耐去一次旅行?」

Vincent:「依家差唔多一個月去一次,又要plan行程同住宿,其實都有d趕,同埋怕寫唔切文章。」

Klook:「唔同嘅酒店有咩吸引到你呢?」

Vincent:「其實依家住酒店有好多嘢玩嘅,去澳門可以玩水上樂園,去日本酒店可以浸溫泉,泰國就有cooking class,所以其實依家住酒店都可以好多節目。」

Klook:「住過咁多間酒店,有遇過靈異事件嗎?」

Vincent:「其實我比較好彩,無乜點遇過呢類野。年頭喺布吉嘅某一間酒店,試過有人不斷㩒你門鐘,但永遠打開門都唔見有人,我仲懷疑係咪個門鐘壞咗。好彩佢第一次係朝早發生,仲係有太陽,所以冇咁驚。」

WeChat_1469690378


關於客路

KLOOK客路是亞太最大旅遊體驗預訂平台,提供亞太城市熱門及獨特體驗預訂服務,包括:當地交通/通訊、景點門票、一日行程、獨特體驗、美食饗宴。KLOOK客路BLOG則提供最貼心的旅遊資訊,與您分享各種旅行體驗,一同探索世界!

KLOOK客路每天與你分享最新旅遊資訊和優惠

追蹤KLOOK客路Instagram
訂閱KLOOK客路YouTube
加入KLOOK客路LINE


Klook.com Klook.com