深圳登喜路國際大飯店住宿套餐 | 近大悅城 | 美味自助晚餐

訂了24號住宿，去到酒店早上十一點check in已經有房， 入到房間酒店有佈置慶祝週年紀念，好靚好開心，酒店保持得好新，乾淨光猛，感覺好舒服，浴室有浴缸，真係五星級嘅格調， 餐廳環境好大樓底好高感覺好靚食物種類好多烤生蠔，仲有龍蝦半隻，鮑魚，海參，呢啲係每人一份，雪糕有六種口味，最鍾意一種喺曲奇妙趣， 晚上十點鐘酒店提供還有宵夜， 晚上自助餐食得好飽所以沒有吃 ，每一個樓層𨋢大堂門口都有生果提供畀客人，這是客人有溫度嘅酒店，職員都好有笑容同埋禮貌 ， 早上早餐七點鐘可以去餐廳享用，早餐品種少一點， 總括這間酒店可推介，下次再有優惠會再去 交通便利性：由深圳灣坐地鐵去酒店大約一個鐘頭好方便 整潔度：房間浴室清潔乾淨 服務：好 ，晚間自助餐職員都好勤力換碟

未入住之前睇過評論都覺得幾好,當我入住之後覺得酒店性價比高,房間乾淨衛生企理,酒店職員親切有禮服務週到,,,（唯獨是餐廳晚上自助餐食物冇refill只係頭輪食曬就冇補充其他食物例如炭燒秋葵拿了兩吋轉頭再去,酒店職員話已經賣曬,這一點較為失望）,其他服務十分滿意,尤其我和太太同一日生日酒店都有在房間佈置生日,亦都送了一個蛋糕,酒店早餐都豐富食物都幾多款式,,,,整體值得五星推介,,,下次會再去

一出地鐵站直達，交通算方便。酒店是內地傳統風格。房間大，有浴缸，有浴鹽同沐浴球，電視接收到無線。包早晚自助餐。晚餐食物款色多，不會吃凍海鮮或刺身，好在熟食都多，每人都有一客鮑魚、開邊蒜容龍蝦同一盅海參，每枱都有火鍋爐打邊爐。有多款果汁同枝裝可樂雪碧橙汁汽水。早餐都不錯，中西式都有，麵包粥品都好吃。泳池加了繩間開賽道，水深由1.2米至1.8米，所以只是參觀。酒店附近沒有商場，不過搭地鐵幾個站都有大商場如大悅城、壹方城等。可以一試。

飯店地點：飯店地點與地鐵12號線（寶田一路）地鐵站C出口無縫銜接，飯店就在地鐵門口非常方便。 交通便利性：深圳灣口岸去寶田一路 約31分・共14站・要轉2次路線（由13號線轉11和12號線） 但週邊附近沒有什麼好逛的商場，可以搭地鐵四個站地鐵就到達靈芝站才有大悦城。飯店對面有好多食嘢的地方但是未開，夜晚附近有夜市可以買宵夜。 整潔度：飯店環境非常不錯，4樓有一個室外的泳池和花園，看上去感覺到舒適。 早餐＆晚餐地點：1F 柏頓西餐廳 晚餐時間：18:00-21:30；雙人環球豪華自助晚餐（含位上菜：龍蝦、鮑魚、鮑汁海蔘每位各一份） 早餐營業時間：06:30-10:00；雙人自助早餐

冇唸過訂酒店連自助餐套票，房間也非常寬敞，仲有浴缸，價錢亦非常優惠。服務員態度友善可親，訂房時註明是為家人慶祝生日，酒店非常好，除了佈置了房間，給家人一個驚喜，晚上還送了一個蛋糕上房間給我們享用，非常貼心。

酒店非常之近地鐵站，非常之方便，由酒店至大悅城或懷德萬象匯都是15-25分鐘地鐵，所以很合適遊商場！入住酒店程序快速，更可提早上房間！ 交通便利性：一流 。 酒店地點：近地鐵站（寶安一路C出口）一分鐘 服務：員工有禮及工作效率高 早餐：多款式選擇 晚餐亦有多種類食品 整潔度：房間及洗手間都整潔及沒有異味

房間及洗手間整潔乾淨。晚上自助餐有每人半隻龍蝦，海參等。燒蠔任食，凍海鮮味道都可以，不過預制蛋糕就麻麻。紅白酒，啤酒任飲。仲有送一個生日蛋糕上房間，很美味。早餐種類都多。總括來說，都值得，係車程太遠。

房間內部幾滿意，冷氣夠凍，自助晚餐海鮮新鮮，款式也多，但打邊爐要用鮮蝦要快，七點幾見蝦幾乎沉在魚缸底，但整體滿意😀。早餐居然有生滾粥蝦餃，果汁也有幾款，不錯👍

位置方便，近地鐵站。升降機位置在A/B出口，打車的話，酒店到深圳灣口岸大約60元。 房間大小適中。晚餐選擇很多，早餐選擇也不錯，很好的一次體驗。

由福田口岸call車到酒店只需半小時左右，都算幾方便，附近有夜宵，亦有零食及茶飲等小吃。套餐已包括自助早餐及晚餐，價格超值，質素都非常好，食物種類選擇多，有啤酒，紅酒等供應。酒店服務員態度非常好，由落車入大堂開始，門口的小哥哥非常稱職，又協助長者落車，入到大堂主動詢問我們是否需要飲用水，非常稱職。