更多香港展覽及演唱會活動 > >

球幕電影《3-2-1發射！「鼠」斯克上太空》及太空探險隊 介绍

今個暑假一家大細有着落喇！

香港太空館今年再度同電影節目辦事處聯合策劃特備節目，繼續為大朋友同小朋友帶嚟特別嘅晚上。

首先大家會喺天象廳欣賞球幕電影《321發射！「鼠」斯克上太空》。你冇睇錯，主角係隻叫Elon嘅倉鼠！呢隻熱愛科學嘅倉鼠唔係掛住食同玩跑輪，而係經常鑽研各種發明，希望有朝一日可以一飛衝天。可惜，上太空談何容易，「鼠」斯克屢試屢敗，變得心灰意冷。就喺佢準備放棄嘅時候，突然聽到「嘭」一聲，呢一響足以改變「鼠」斯克嘅命運。究竟佢最終可唔可以衝上太空呢？唔喺度劇透喇！

睇完球幕電影之後，大家會移步到演講廳參加「太空探險隊」互動示範環節，一齊探索火箭製造同太空站運行嘅奧秘，令你對太空科學嘅了解拍得住「鼠」斯克！今次特備節目只限四場，你仲唔立即撲飛？

節目詳情

• 特備節目 – 球幕電影《3-2-1發射！「鼠」斯克上太空》及太空探險隊
• 日期：2024年7月30日 | 8月6日 | 8月13日 | 8月27 日 （星期二）
• 時間：19:00（節目全長約70分鐘）
• 地點：香港太空館天象廳及演講廳
• 地址：香港尖沙咀梳士巴利道10號

票務詳情

• 票價：$80
• 門票於5月10日起在城市售票網發售
• *12歲以下兒童須由父母或成人陪同參加
• 語言：球幕電影現場為粵語對白，不設字幕，耳機系統提供英語選擇；活動以粵語進行。

以上資料來源：香港太空館 Hong Kong Space Museum｜Facebook