Name: EASTER 繽紛遊樂園｜SOHO Market 復活節市集
Start: 2024-03-29
End: 2024-04-07
Location: YM²裕民坊｜觀塘市中心自由空間

2024年3月29日(週五) - 4月7日(週日)

位置:YM²裕民坊｜觀塘市中心自由空間

地圖

香港觀塘

活動簡介

更多香港展覽及演出活動 > >

EASTER 繽紛遊樂園｜SOHO Market 復活節市集介紹

432578217_18255899986215223_504366462276033800_n

各位大人、小朋友，嚟緊復活節，又係時候去玩吓、輕鬆吓啦。去邊玩？留心聽住啦！

3月29日至4月7日（1連10日），SOHO MARKET 將與荔園、觀塘YM²裕民坊及觀塘市中心自由空間聯合舉辦［EASTER 繽紛遊樂園］，內容包極富挑戰性嘅荔園經典有獎攤位遊戲區、重現荔園舊貌和舊物嘅打卡位、詳述荔園時間線及歷史故事嘅展覽，當然仲有SOHO MARKET市集區——數十個本地特色文創手作攤檔熱鬧助陣，與大家一起歡度一個繽紛又好玩嘅復活節假期。

簡單介紹番：

遊戲區——會喺觀塘市中心自由空間（城市實驗空間2）舉行，分別有SOHO復活島、荔園神射手、開心掟彩虹、活潑乒乓波、射波英雄傳、百發百中擲鐵罐、圈中肥肥人以及突破樽頸位等；屆時亦準備咗逾10,000份限量獎品送贈俾大家。

打卡區——會喺YM²裕民坊 UG大堂、L1中庭、L1裕民里及觀塘市中心自由空間（城市實驗空間2）擺放，遍佈場內每個角落，分別有荔園「鎮園之寶」叮叮船、老⻁仔、恐龍屋、碰碰車、小巴士等，原汁原味零距離呈獻俾大家瘋狂打卡。

本地特色產品售賣區——會喺觀塘市中心自由空間（城市實驗空間2）舉辦，戶外攤檔專門售賣本地各式各樣特色產物，包括預先包裝飲品和食品及其他不同類型之產品。

展覽區—— 會喺YM²裕民坊 UG大堂舉行，詳盡介紹香港經典遊樂場荔園 LAI YUEN 嘅時間線及歷史故事，展出荔園珍貴嘅經典相片及絕版文物，帶出荔園「簡單的快樂」嘅品牌理念。

市集區——SOHO MARKET 會喺YM²裕民坊 L1中庭及L1裕民里舉辦一個以「繽紛復活節」為主題嘅手作市集，結集數十個本地特色文創手作攤檔，分別有花藝、布藝、首飾、服飾、咖啡、花茶、烘焙及生活雜貨等創作單位，希望與大家一起支持本地創作支持本地消費。