【澳門美食】澳門美食攻略！四大必試地道葡國菜

去澳門除咗觀光，當然唔少得澳門美食啦！澳門雖然地方細細但有好多好嘢食等你嚟發掘！嗱，唔好話KLOOK藏私啊～今次一於放送四大必試地道葡國菜畀你啦！

平民價錢都食到酒店級葡國菜！？呢間位於新新酒店嘅廣場葡國餐廳，唔止裝修具藝術感，而且仲有好多正嘢食！外脆內軟嘅炸馬介休球、惹味十足嘅咖喱牛腩煲，仲有份量特大嘅戰斧豬扒，款款都好想試～重點價錢完全係樓下餐廳價，CP值超高～

地址：澳門司打口14號至16號

位於澳門銀河嘅葡軒喺2017年奪得米芝蓮「推介」餐廳同埋「澳門最佳食府」獎項，無論裝修定菜式都充滿葡萄牙風情！必試黃油燉煮鮮嫩虎蝦，接近手掌大嘅虎蝦肉質好扎實，啖啖肉，加上順滑嘅牛油即時令口味變得好有層次，絕對要嚟試下啊！

地址：「澳門銀河™」綜合渡假城購物大道東地下G011號舖

想要品嚐最正宗嘅葡國菜，一定唔可以錯過歷史悠久嘅福龍葡國餐。福龍葡國餐係喺澳門新馬路擁有最長歷史嘅葡國餐廳之一，招牌嘅葡國烤鴨飯、福龍葡式燒乳豬，同咖哩蟹深受當地人同遊客喜愛，食完返尋味！

地址：澳門百老匯美食街, A-G005-G009號舖

想試葡國菜，又想試意大利菜？位於澳門氹城嘅呢間葡意之家，啱哂有選擇困難症嘅你啦～

你可以喺呢度品嚐到最經典嘅澳門菜色，有魚味十足嘅馬介休、仲有每一啖都有滿滿椰奶同香料氣味嘅酥脆非洲雞，真係好味到停唔到口啊～

地址：澳門木鐸街76號

 

圖片提供：memofoodie

－－－

KLOOK超過35,000+項體驗行程任你Book！

【景點門票｜一日遊｜交通｜美食】手機APP輕鬆預訂

立即下載►bit.ly/2G9SiAt