日日返工返學咁辛苦，偶然都希望可以放鬆一下。今次就整合咗一共八個位於港九新界嘅打卡好去處，不論係影相定真係想放鬆下都一定有一個啱你！
【港島區】
山頂古蹟浪漫西餐 – 太平山餐廳
喺古蹟入面食飯，聽到都覺得打卡-able啦！太平山餐廳有百年歷史，被列為香港二級古蹟。入面裝修風格古典優雅，天氣好嘅日子坐室外位置，仲可以睇到山頂迷人嘅景色。
除咗景色宜人之外，食物仲非常吸引，性價比高。餐牌有多國菜選擇，由印度咖哩到炭燒美國牛柳都有，一定有一款啱口味。而家經 KLOOK 購買，仲可以用超抵價歎生蠔套餐。原價$389 有半打生蠔加白酒嘅套餐，依家有低至48折優惠，只需$185 就食到喇！
讀者仲可以享有折上折，只要輸入優惠碼 <GOODPLACE> 就可以獲得額外92折優惠，約$170就歎到生蠔同白酒套餐。風景同美食兼得，不論係想打卡定真 · 放鬆都一定啱。
購買傳送門：太平山餐廳
西營盤文青藍色咖啡店 – Bluebird Coffee
呢間以藍色為主題嘅咖啡店位於商業大廈嘅地下轉角位置。門面採用唔同嘅線條，以藍色同銅色交叉重疊，勾畫出佢地嘅設計。簡單嘅背景，好適合文青拎住杯咖啡留影。
Pic｜bluebirdcoffeehk@ig
當然咖啡先係重點啦！店內除咗提供鮮奶咖啡同黑咖啡之外，仲有單品手沖。外賣咖啡杯設計顏色多樣，上面印有唔同嘅咖啡字句，例如：No coffee; No workee，相信係唔少打工仔心聲！
Pic｜bluebirdcoffeehk@ig
除咗咖啡之外，每日仲有新鮮麵包、酥餅同蛋糕。經 KLOOK 購買，可以獲得唔同優惠，包括每杯$38嘅咖啡，只需$35就買到。讀者仲有額外折扣，購買嘅時候輸入優惠碼 <GOODPLACE>，就可以得到額外92折優惠！
購買傳送門：Bluebird Coffee
SoHo區手工啤 – 何蘭正
有時夜晚都會想放鬆下，食少少野，飲下啤酒。中環呢間手工啤就絕對適合你！舖頭裝修走懷舊老香港路線，員工都著住舊式茶記白衫。店內不但有多達十款不同本地釀酒廠嘅手工啤酒，仲有好多來自唔同國家嘅啤酒。如果啤酒唔啱你，餐牌都有其他好似紅白酒同雞尾酒嘅選擇，實有一款啱你。
飲酒又點可以唔食野呢？千祈唔好睇少呢度嘅野食，有別於其他酒吧嘅食物，何蘭正嘅餐牌非常有誠意。有多種特色料理，用靚料炮製港式料理，就好似下圖嘅北海道銀聖鮭 ( 燒霜 ) 配三色香油 ，開胃番茄冷湯同三文魚籽咁，一睇就知非常鮮甜。
Pic｜65peel@ig
透過KLOOK購買，用 $85 就買到價值 $100 啲現金劵。飲酒同食物都適用啊！讀者專享優惠：依家輸入優惠碼 <GOODPLACE>就可以得到額外92折，約$78 就買到價值 $100 嘅現金劵喇！
購買傳送門：何蘭正
【九龍區】
唔想過海？唔緊要～ 九龍區都有好多選擇！
台妹最愛 – Dazzling Cafe
喺台灣已經開業10年嘅 Dazzling Cafe，喺香港有兩間分店，分別喺尖沙咀同埋銅鑼灣。店內嘅裝修貫徹品牌走嘅粉色少女路線。一行入鋪頭就覺得每一個位都係打卡位！相信大家嚟到依度要搵個靚嘅影相位一定無難度。
唔止裝修非常少女，連食物同飲品都一樣。店內主打蜜糖吐司，每個吐司嚟到嘅時候上面都有豐富嘅裝飾。見到厚厚嘅吐司被雪糕、水果、朱古力醬咁包住，未食都已經覺得非常幸福！飲品方面除咗有唔同嘅水果主題飲品之外，仲有芝士奶蓋嘅選擇，啱晒少女嘅口味！
依家經 KLOOK 購買夏日甜心雙人餐，即可以 $199 買一個吐司同兩杯飲品，原價高達$249㗎！讀者專享優惠：只要輸入優惠碼 <GOODPLACE>就可以得到額外92折。放假瞓晏咗，起身嚟食個吐司做下午茶都係唔錯嘅選擇。
購買傳送門：Dazzling Cafe
世界烘豆冠軍親自經營嘅咖啡店 – Hands On Coffee
呢間喺旺角嘅咖啡店，由世界冠軍經營，水準一定有保證。店家嘅強項係手沖咖啡，以超班技巧沖煮出適合客人嘅口味。咖啡師仲會喺客人面前沖煮咖啡，令客人可以欣賞整個飲品嘅製作。
空肚飲咖啡對個胃唔好是常識吧？所以呢度都有唔少嘅食物俾客人選擇。咖啡襯番個 All day breakfast 仲唔係完美嘅 weekend brunch？
透過 KLOOK 購買，最高可獲得85折優惠！用$85就買到價值$100現金劵喇！讀者額外優惠：只要輸入優惠碼 <GOODPLACE>就可以再獲得92折！
購買傳送門：Hands On Coffee
【新界區】
唔好以為新界只係得老牌茶記呀，其實有好多隱世小店。
大埔森林系咖啡店 – Forest Cafe
小店位於林錦公路，前後左右都被樹包圍，話佢真係置身於森林都不為過呀！相信淨係呢一點都夠曬打卡！
Pic｜Mojil@ulifestyleblog
小店外面牆身以白色為主，入面嘅傢私同擺設就以木製為主。天氣好嘅時候會開放室外位置，可以喺陽光下飲杯咖啡，食下野，諗起都覺得好放鬆。
食物方面主要以漢堡為主，都好受食客歡迎，因為用料非常充足！飲品就以咖啡為主，放假揸車入去遠離塵囂嘅地方，可以親親大自然，影下相，順便放鬆下。
Pic｜yk.wing@ig
錦田小小咖啡 Studio – Cohee
如果大家唔係住錦田，相信都會比較少去呢個地區。竟然又俾我搵到呢度有間咖啡小店，一定要同大家分享下！位於錦田市嘅一個轉角，店舖設計簡潔，大部分牆身都用落地玻璃代替，透光度足，日光滿滿嘅店，令人入到去都覺得好舒服。
Pic｜coheehk@fb
叫得 Cohee 相信都係專心做咖啡嘅專家，飲品嘅選擇大部分都係咖啡。由大家熟悉嘅牛奶咖啡，到手沖咖啡都有得選擇。非咖啡類就有幾款茶類飲品。除咗咖啡，都有啲輕食同蛋糕供應。值得一提嘅係，呢度嘅價錢比市區嘅略平，大家不妨一試。
Pic｜coheehk@fb
除咗咖啡之外，Cohee仲有好多咖啡用品同咖啡教學俾大家購買同參加。絕對適合文青同咖啡狂熱分子！
澳式休閒咖啡代表 – Little Cove Espresso
澳洲出名啲咩呢？Brunch 好食同咖啡好飲。呢間咖啡店簡直喺西貢建立咗一個小澳洲！簡約設計、大量室外坐位、落地大玻璃善用日光，全部都非常澳式。
Pic｜littlecoveespresso@fb
澳式咖啡店嘅brunch當然都唔會令人失望。每一份嘅擺盤都別出心裁，用料新鮮。除咗有多款 open-faced sandwich、沙律之外，仲有依家帶領健康飲食潮流嘅 smoothie bowl。餐牌嘅選擇都較健康，啱曬想靚又想食嘅女仔呀！
Pic｜littlecoveespresso@fb
Pic｜littlecoveespresso@fb
相信以上八個打卡熱點總有一個適合你同你嘅朋友。休息是為了走更遠的路～希望大家都可以爭取休息同放空嘅時間，俾自己好好抖抖啊！
