【澳門美食】嚴選澳門 6 大必去食店！過大海玩一定要試！

澳門美食多籮籮，大家去到澳門又點少得四圍食食食？唔想錯過美食，又唔想漫無目的「浪費 Quota」亂咁食，就要有專人為你帶路！KLOOK 特別為大家嚴選6大澳門必去食店，包你唔會食錯！

講到澳門特色小食，相信豬扒包敢認第二都冇人敢認第一，烤到鬆脆嘅豬仔包，再夾上一塊剛炸起嘅豬扒，簡單而美味。

而位於氹仔嘅大利來記，名字更加響噹噹，號稱係全澳門最好食嘅豬扒包！

地址：澳門氹仔告利雅施利華街35號

倫記望落同一般小店差唔多，但開業不過10個年頭，已經深受街坊遊客喜愛，憑住極有水準、賣相出色、口感一流嘅「葱花雞蛋布拉腸」在網上爆紅！

地址：澳門沙梨頭沙欄仔街26號泉彩樓地下

 

食厭咗傳統葡撻？唔緊要！近年開張嘅 不是葡撻 絕對滿足到你要求！

不是葡撻 主打將地道葡撻 Crossover 日式年輪蛋糕，比普通原味傳統葡撻口感更豐富！更矜貴嘅係每日只賣20個嘅 朱古力咖啡慕絲年輪蛋糕，咖啡味醇厚，朱古力味適中，想食就要一開鋪就衝過去搶購啦！

地址：澳門新馬路青平街6號，鉅記旁邊

►KLOOK推薦預訂：不是葡撻

 

世紀咖啡相信去開澳門嘅朋友都必定試過！店外長期都排長龍，無論本地人定遊客都有，聽講世紀咖啡係少數本地澳門人仲會幫襯嘅食店，質素絕對有保證㗎！

出名嘅厚蛋多士絕對係招牌必食之選之一！厚蛋煎得啱啱好，咬開入面仲有蛋汁流出嚟，正到小編大嗌 Encore 吖！

嗱，叫得世紀咖啡，又點少得杯咖啡？呢度嘅咖啡係用炭燒瓦煲煮成，平時唔係點飲咖啡嘅小編都成枝飲哂，超好飲！

 

地址：新馬路賣草地里7-15號長信大廈地下

 

仲以為傳統印度菜淨係食咖喱？當然唔止啦！位於氹仔舊城區中心地帶嘅印度小食酒吧餐廳 Goa Nights「果阿之夜」，引進傳統而嶄新嘅印度及果阿風味佳餚之餘，Goa Nights 主打嘅波西米亞風格雞尾酒，更係由屢獲殊榮嘅印度調酒師 Chetan Gangan 帶領嘅團隊調製，為顧客調製出極具創意嘅手工雞尾酒！

呢度燈光靚、氣氛好，鍾意同朋友chill住歎小食、品下雞尾酒嘅你，絕對要嚟試下呀！

地址：澳門氹仔告利雅施利華街118號

►KLOOK推薦預訂：Goa Nights – 氹仔舊城區

除了傳統澳門美食，新潮一點亦有依間鐵餅號！呢間鋪頭專賣手抓餅、雞蛋仔、飛碟等小食，小編試過佢地嘅 手抓餅 實在好好食，外層金黃酥脆，香酥可口，想夾咩配料都得！一個人食晒大大個都唔覺「濟」！

另一鎮店之寶 雞蛋仔 同樣唔講得小！食客可以隨意任加麻糬粒、Oreo碎或者朱古力粒，仲有13種口味任意搭配！小編推介人氣超高嘅宇治抹茶麻糬雞蛋仔，外皮添加正宗京都宇治抹茶，淡淡嘅茶香清爽又解膩！

地址：新馬路果欄街5號地舖

►KLOOK推薦預訂：鐵餅號 – 新馬路

 

 

圖片提供：memofoodie

－－－

KLOOK超過35,000+項體驗行程任你Book！

【景點門票｜一日遊｜交通｜美食】手機APP輕鬆預訂

立即下載►bit.ly/2G9SiAt