【親子王國編輯熱選】點止波波池咁簡單?! 港九新界超好玩波波池Playhouse


無論大人定小朋友,對於一大片的波波池海是絕對沒有抵抗力!但波波池Playhouse愈開愈多,單單玩波波池已經滿足不了一家大小,邊間有親子餐廳?邊間有繩網?BKMILK編輯熱選港九新界好玩波波池,介紹各Playhouse賣點!

 

新界區

KidsKiss Kingdom——落地玻璃開揚景觀波波池

KidsKiss Kingdom有超多種類的玩樂設施,波波池外更有繩網遊戲區、透明旋轉滑梯,而「都市」為概念的遊樂區更可以「揸車」,不得不提波波池旁有落地大玻璃,夠開揚,玩得份外寫意!




KidsKiss Kingdom親子主題餐廳
地址:沙田石門安群路3號京瑞廣場一期1樓162號舖(港鐵石門站c出口)
相關文章:【親子餐廳】沙田KidsKiss Kingdom親子主題餐廳

 

 

Aloha Gecko ——夏威夷主題!玩幼兒區波波溫泉

Aloha Gecko的主題是以夏威夷夏日小島風情作主題,大型的波波池海、與繩網陣是賣點,適合3-10歲兒童遊玩。特別設有幼兒區的波波池,感覺有點像波波溫泉,小寶寶可以安全享受波波池浴,好可愛啊!

Aloha Gecko
地址:屯門安定村H.A.N.D.S商場 – 屯門鄉事會路2A 安定村H.A.N.D.S N區1樓N-121- 123, 126-122 7 舖
相關文章:【新開幕】屯門終於有PlayHouse!夏威夷Fu x 大波波池 x 繩網陣

 

Play House Play Café——非洲大草原主題

位於荃灣D.Park親子商場內的Play House Play Café,以非洲大草原作為主題,場內有很多野生動物公仔,小朋友可以坐上馬仔等動物遊走地下迷宮區。場內有很多關卡,小朋友一定玩得盡興。餐廳區更有即叫即做美食,大人細路都可以邊玩邊嘆!

Play House Play Café
地址: 愉景新城商場2樓2069b及2070a號舖
相關文章:【親子餐廳】非洲大草原主題 超好玩波波池遊戲區

 

九龍區

宏美樂園 Wellcome Paradise–9千呎兒童樂園

   

由15萬個波波池組成的超大波波池!園內有三個波波池,最吸引就係繩網陣下面的超大超深波波池海!繩網陣一樣好靚,十足藝術品;更有Playgroup班畀小朋友邊玩邊上堂,讓小朋友輕鬆玩遊戲及上興趣班!



宏美樂園 Wellcome Paradise
地址:九龍灣展貿徑1號 九龍灣國際展貿中心 3樓 302號舖
相關文章:【全新!】9千呎兒童樂園。超大波波池、繩網陣、Playgroup班

 

 

大樹先生的家——波波池+高質美食親子餐廳

   

來自台灣的大樹先生的家親子餐廳,進駐香港已經多年,但受歡迎程度依然!全因經常帶給小朋友新鮮感,場內不定期換波波顏色,就算經常來都總會有驚喜!最新顏色是紫色,望住無敵波波池海都會有浪漫感覺!另外餐廳食物夠高質同樣是一大賣點,大人小朋友一樣滿足,仲有沙池及精緻娃娃屋,男孩子女孩子同樣喜歡!




「大樹先生的家 Mr. Tree」香港店
地址:荔枝角長順街D2 Place Tow 1樓106-107 & 120-121室
相關文章:【親子餐廳】溫馨母親節活動x紫色球池x全港獨家沙池x大樹先生的家香港店

 

MaBaLAND——有齊波波池、攀石、彈床 超大型木系Playhouse

MaBaLAND場地分做6大區包括兒童攀石、海洋球池(即波波池)、跳躍彈床、攀爬樂、積木樂園及親子派對樂。波波池內有刺激瀡滑梯加攀石牆;另外攀爬樂區同樣受小朋友歡迎,全因攀爬樂入面有很多關卡,充滿挑戰性之餘又安全!是九龍區其中一個受歡迎的Playroom!


MaBaLAND
地址:九龍灣得寶花園地下TBG mall(牛下新城)T138舖
相關文章:【親子好去處】走進木頭playhouse 九龍灣MaBaLAND

 

Jungle King——觀塘森林動物主題室內遊戲室+親子餐廳

 
Jungle King就以森林為主題,場內以木質及青綠色為主調,充滿文青feel!大型波波池更有攀爬設施,岩哂一班「馬騮仔」;餐廳則設有一個幼兒玩樂區,放了些木製廚房、LEGO牆及其他木製玩具,甚麼年紀的小朋友都適合到這裡放電!

Jungle King
地址:觀塘開源道駱駝漆大廈1座12樓C室
相關文章:【親子餐廳】觀塘森林動物主題 室內遊戲室 Jungle King

 

CAY partyroom——私人包廂波波池!

CAY partyroom地點雖然位於觀塘的工業區工廠大廈內,但波波池範圍超級大有1000尺!partyroom內設有包廂,每個包箱都有透明開揚的落地玻璃,家長們可以享受私人空間之餘,同時留意小朋友安全,最適合相約其他家長小朋友一齊玩。

CAY partyroom
地址:觀塘開源道55號開聯工業中心B座5樓
相關文章:【親子好去處】海洋主題波波池 x 親子聚會 x 小包廂

 

港島區

Dreamland Playground童.遊大世界——光與影波波池夠氣氛

以航海佈置為主題的Dreamland Playground童.遊大世界與其他波波池最大分別,以燈光及聲音效果設計,配合場內各個遊玩區,小朋友玩樂時特別有氣氛!更有室內沙池,玩沙都不會受天氣限制!而《新木系時代》區就放置了多款「煮飯仔」木製玩具。Dreamland Playground場地極大,各個區域各有特色,加上港島區較少波波池Playhouse,絕對要推介給大家!

Dreamland Playground童.遊大世界
地址:香港柴灣杏花新城203F-203G
相關文章:【親子好去處】DREAMLAND 童遊大世界 @杏花新城

Facebook Comments
Previous 【Lonely Planet推介】2018年10大歐洲景點(上篇)
Next 【旅遊世界盃】認識下屆2022世界盃主辦國卡塔爾!