【澳門美食】澳門美食攻略!四大必試地道葡國菜


去澳門除咗觀光,當然唔少得澳門美食啦!澳門雖然地方細細但有好多好嘢食等你嚟發掘!嗱,唔好話KLOOK藏私啊~今次一於放送四大必試地道葡國菜畀你啦!

CP值超高廣場葡國餐廳

平民價錢都食到酒店級葡國菜!?呢間位於新新酒店嘅廣場葡國餐廳,唔止裝修具藝術感,而且仲有好多正嘢食!外脆內軟嘅炸馬介休球、惹味十足嘅咖喱牛腩煲,仲有份量特大嘅戰斧豬扒,款款都好想試~重點價錢完全係樓下餐廳價,CP值超高~


廣場葡國餐廳
地址:澳門司打口14號至16號

米芝蓮推介葡軒

位於澳門銀河嘅葡軒喺2017年奪得米芝蓮「推介」餐廳同埋「澳門最佳食府」獎項,無論裝修定菜式都充滿葡萄牙風情!必試黃油燉煮鮮嫩虎蝦,接近手掌大嘅虎蝦肉質好扎實,啖啖肉,加上順滑嘅牛油即時令口味變得好有層次,絕對要嚟試下啊!

葡軒
地址:「澳門銀河™」綜合渡假城購物大道東地下G011號舖

地道土生葡國菜福龍葡國餐

想要品嚐最正宗嘅葡國菜,一定唔可以錯過歷史悠久嘅福龍葡國餐。福龍葡國餐係喺澳門新馬路擁有最長歷史嘅葡國餐廳之一,招牌嘅葡國烤鴨飯、福龍葡式燒乳豬,同咖哩蟹深受當地人同遊客喜愛,食完返尋味!


福龍葡國菜
地址:澳門百老匯美食街, A-G005-G009號舖

葡意Fusion葡意之家

想試葡國菜,又想試意大利菜?位於澳門氹城嘅呢間葡意之家,啱哂有選擇困難症嘅你啦~

你可以喺呢度品嚐到最經典嘅澳門菜色,有魚味十足嘅馬介休、仲有每一啖都有滿滿椰奶同香料氣味嘅酥脆非洲雞,真係好味到停唔到口啊~


葡意之家
地址:澳門木鐸街76號

立即在KLOOK預訂澳門船票!

 

圖片提供:memofoodie

---

KLOOK超過35,000+項體驗行程任你Book!
【景點門票|一日遊|交通|美食】手機APP輕鬆預訂
立即下載►bit.ly/2G9SiAt

Facebook Comments
Previous 【賞楓旺季】 睇紅葉前必讀: 小貼士、時機、地點、攝影技巧、穿搭全整理!
Next 日本姬路中央公園 近距離看野生動物 (By 貓町媽媽)