【第二位半價優惠】PORTERHOUSE 海鮮及扒房自助餐｜環球海鮮自助早午餐自助早午餐

食物不錯，但海鮮似乎沒有以前那麼新鮮了。豬肚很棒。位置很好 工作人員非常友好。我們一家人在那裡度過了一段愉快的時光 甜點也非常好 我的妻子非常喜歡胡蘿蔔蛋糕 咖啡冰沙也很棒 總的來說還是強烈推薦

在中環蘭桂芳7樓，原價1位$598任食Brunch，現Klook買一送一，十分抵，性價比高，服務好，侍應多收碟及refill水快，食物款式雖不多，但質素好，最基本有生蠔、長腳蟹、龍蝦等等凍盤，有豬牛羊及好多沙律芝士的選擇，1款湯、4款熱葷、意粉，好多好飽的甜品，2款雪糕，但其實食了幾款都已經好快飽，每人另送1隻鮑魚，但食了個半鐘才送上鮑魚，這安排就略為慢了一點，因為當時已經食梗甜品

中環Porterhouse個Brunch Buffet一向都想試。海鮮有生蠔、龍蝦、麵包蟹、大蜆、翡翠螺，冷盤以西式為主，燒牛扒羊扒及豬腩肉均十分出色，每人送一隻清蒸鮑魚，環境舒適，服務又好好，可以再食 👍🏼👍🏼👍🏼😋

PoterHouse 的男經理非常彬彬有禮，他帶領的團隊各人都非常主動。食物會源源不絕的添加，海鮮及肉類會由廚師分配，感覺更加衛生。食物質素及選擇都非常不錯。唯一要改善的，就是餐廳冷氣非常強勁，會越食越凍，幸而職員見到我非常寒冷的感覺，主動提供披肩。

海鮮有生蠔、龍蝦、蟹腳、麵包蟹、蜆、龍蝦鉗等，全部海鮮都由專人夾，供應不絕，基本上取食物都不用排隊 龍蝦新鮮，生蠔每次有3隻，蟹腳就偏咸，食咗一件就冇再添 每人送一隻鮑魚，都差不多開始後一小時才送上，鮑魚爽口彈牙👍🏻 肉類方面，豬腩肉最好食，似中式燒腩仔，燒牛肉偏冧身，冇咩質感，唔知係咪咁啱呢件燒得唔好了，燒雞都係一般，仲有血 即場煮意粉味道唔錯，先去自己選擇各項配料，煮好後送到你枱 湯有點失望，係魚翅湯，都估到翅就唔會多，主要都係冬菇，類似中式碗仔翅，但好少翅 見其他評論提過既蜂蜜今次沒有 雪糕冇牌子，但係高質既，口感好滑，今次係咖啡味及hazelnuts, 要自己「不」，咖啡味好濃，帶苦味，我連埋偏甜既hazelnuts 一齊食剛好 甜品cheese cake真係好好食，好香 水果有西瓜，哈密瓜，蜜瓜，藍莓等，瓜類切到好薄，哈密瓜好甜，西瓜到我想食時已冇哂，冇refill 樓底好高，環境唔錯 如果沒有額外加錢，全程就只有清水，餐飲都沒有

第四次光顧，謝謝klook的快閃買1送1,讓我可以反通帳，成為最平的一次。 熱盤的蒸海斑第一轉可能蒸好太耐，有啲過火，第二轉不但更大條，又蒸得剛剛好。最難得唔似以前出得2轉就轉差幾條街的蒸比目魚。 意粉得番紅白汁，冇咗卡邦尼（唔知擺啲蛋係度做勿）。叫咗個白汁，咸到加咗半杯水沖稀先食得落。 海鮮冷盤，蘇格蘭蠔合格，可惜沖水太耐，得番甜啦！咸乾蟹腳同擦紙膠龍蝦都食唔入口，蟹鉗食得落，凍蝦ok, 麵包蟹唔係當初我食到的驚豔貨色，已回到比一般自助餐好。 烤肉三寶，得番燒腩肉出色羊架同燒牛肉都腍得出奇，有肉味，但不是sunday roast。 前菜，樣樣都超水準，當中最出色的首選麵包，再嚟帶有blue cheese味的mozzarella 波加蜂巢狀原蜂蜜，諗起可想食。 甜品，麵包布甸非常出色，蛋糕類保持到，唯有款乾到用叉一壓就散晒。雪糕追咗三轉，脆筒半腍，咖啡冰沙都吞咗兩杯。 服務水平，外場比之前cool, 反而取餐台親切感加分。網上book後發email提要窗邊位，前一日打黎reconfirm 時問咗都話有安排，當天特登早到排第一張入場都冇安排，雖然最後都爭取到，但大扣分，做唔到就唔好口輕輕。 總得來說，原價有更多選擇，半價就cp價高，值得去。

環境很好，食物出色。生蠔很鮮味，牛扒很嫩滑，沙律款式多，非一般酒店自助餐貨式。

中環區近蘭桂坊 加州大廈7樓 地方易找 食物ok 生蠔非常新鮮 好好味 值得再去

環境不錯，人不多，拎食物沒壓力，生蠔新鲜，每人一隻美味鮑魚，但當天沒有羊架，只有春雞，甜品幾好，芝士蛋糕咖啡味雪糕很濃，如有優惠價格可一試，正價就比較定價太高。。。

侍應服務不錯, 食物水準中上, 凍海鮮ok生蠔不夠肥美, 龍蝦比較新鮮, 和牛可惜不夠味道, 羊架比較鮮嫩 現場即煮意粉最好吃, 但甜品種類不多和沒有咖啡奶茶結尾