香港喜來登酒店自助餐 | 咖啡廳 The Café | 自助午餐、自助晚餐 | Klook獨家優惠

尖沙咀喜來登The Café自助午餐真係超出預期！ 成個體驗分數滿分，食物同服務都一流✨ 海鮮新鮮夠凍，生蠔、長腳蟹腳隨便拎，刺身質感滑溜唔會霉；中式鑊氣小炒夠鑊，唔會凍淋淋。 甜品區選擇超多，奶茶燉蛋、楊枝甘露同Häagen-Dazs一次過滿足晒甜控。 最加分係服務！職員全程細心，主動收碟、加水，見我拿嘢會主動讓路，有需求即刻回應，完全唔會理唔到人。 環境光線舒服，望到彌敦道街景，同朋友傾計好鬆弛。 性價比同服務質素都穩定，下次聚餐一定再返轉頭！

兩人不到港幣500元（扣除所有促銷折扣後），真是物超所值！太棒了！ 選擇多樣，令人難以置信！嚐過許多飯店自助餐，但這裡仍能找到令人驚喜的菜餚。 牛排，鮮嫩多汁，必吃！ 義大利麵，上面放著海膽，令人難以抗拒的選擇！但只有這道菜提供海膽。 許多香港本地特色菜，價格不菲，但令我驚艷。 一個小缺點…太吵了…顧客很多。現在夏天白天靠窗的座位會很熱。

食物Refill速度非常快，蒸魚可以係代表作，能夠做到源源不絕！👍🏻而且酒店十分重視衞生情況，短短一個小時，已經換上兩次挾食物用具，呢個真係勁。員工亦很勤快，人手充足！就上述三點，可算係九龍區酒店數一數二！食物方面有待改善，熟食品種比較少，賣點「生蠔」比較瘦小，蟹腳同様情況，不過甜品極之吸引，芝士蛋糕、焦糖燉蛋、Tiramisu、芝麻卷⋯

上一次來慶祝朋友生日是係三月，果次覺得失準有點失望，今次就真係真係值得讚👍🏻凍海鮮蟹腳好鮮甜多肉，生蠔好creamy另外刺身都好肥美，仲有海膽米餅超開心👍🏻，熟食方面改善咗好多例如燒肉今次終於食到皮脆啦，和牛卷同牛仔肉真係好出色，最後甜品就必定要食芝麻蛋糕同tiramisu😋食完先減肥⋯⋯整體食物都非常之出色同有質素，員工服務也非常好👍🏻快而且很好笑容令朋友今晚的生日飯很滿足同開心。唯一一點我真心希望酒店可以改善就係刺身豉油 ！！！真係好咸 唔係一般嘅咸係超級咸，希望下次再嚟食有改善🙏🏻謝謝酒店的安排讓我哋非常開心同食得好滿足。🙇🏻

之前都去過兩次喜來登食自助餐，體驗都不錯。今次買到買一送一的優惠，今個月是食蟹的主題，星期日去當晚更每位客人送一隻大閘蟹，簡直是超值。凍海鮮龍蝦，長腳蟹等都好味，相對生蠔就顯得略為遜色。今次熱盤和鐵板那邊都有蟹的不同料理，喜歡食蟹的人一定會大滿足。不能放太多相片，所以主要要放海鮮類。另外本人很喜歡燉湯，當日是燉花膠湯。跟朋友都另外加了$128 （另收+1 ）加了紅白酒任飲。滿足又快樂的一餐自助晚餐。

尋晚食全部蟹公，好正，雖然唔係好大隻，但多膏，同埋完全唔使驚會俾人拎哂，一清籠廚師9秒9換一籠全新，所以唔使一次過拎好多，反而幾隻幾隻，熱辣辣咁食仲好。薑茶好飲。其實好多其他嘢食，比以前嘅Sheraton 真係做得好咗好多。不過因為今次最主要係想食大閘蟹，所以就冇試太多其他嘢，但係其他嘢食都望落好吸引。龍蝦生蠔刺身全部都有。

今日自助午餐, 我哋是第一批最早來到餐廳報到的 , 由於地點有所轉換, 感覺地點不是太清晰, 問了幾位職員才知在哪裏用餐, 到用餐時間先食長腳蟹, 感覺偏鹹少少, 跟住選擇其他熟食, 款式不算太多, 但甜品選擇多, 期間亦有職員詢問款式啱唔啱口味, 員工親切, 都幾細心, 最後食返杯雪糕, 都非常滿足..

今期主題是蟹，雪場蟹腳很肥大鮮甜，阿拉斯加蟹脆香，重點是有無限的大閘蟹任食，另外很多其他蟹的料理很好味。生蠔略嫌偏瘦，帶子刺身不錯，燒牛扒羊架也可以。甜品選擇略少，如果有更多就完美了。服務員收碟很快，態度亦很親切。那晚人很多，座位相隔偏窄。 評分8.5/10 值得再試👏

首先講一句，喜來登酒店自助餐服務喜出望外，食物質素非常之高。 初頭我以為香港嘅餐飲業已死，點解咁講？因為好多餐廳其實收你一兩千蚊，俾張枱你又勁細，放幾樣食物都已經冇晒位。你同佢反映換張大啲嘅枱，佢係唔會俾你；然後侍應服務態度黑面，亦都唔會主動提供啲乜嘢俾你。一兩千蚊好似食個譚仔咁樣，就連譚仔米線嘅服務質素都好過佢哋。 但係今次喜來登晚餐完全唔同： 1. 服務安排： 首先預約咗，佢會打電話嚟同你 confirm booking，問你有冇揸車、有冇帶小朋友。去到之後亦都有好多員工，有個員工同你 check booking，另外一個員工同你帶位，確保每一個客人都會得到照顧。 中途譬如你加咗錢去做 free flow 任飲紅酒、白酒、香檳，佢真係會主動走埋嚟同你斟。好多酒店其實你叫佢，佢好似好唔情願咁幫你斟，佢呢度係驚你唔夠飲，熱情主動同你斟。 2. 食物質素： 長腳蟹、海鮮、龍蝦、大閘蟹全部都係頂級水準，真係好味！另外熱盤、壽司等等全部都好鮮甜，甜品都製作得好好。 我覺得香港嘅餐飲業應該以呢一間餐廳作為標竿，一個餐飲業嘅水準應該係咁樣。其實有咁樣嘅服務，香港嘅餐飲業先會有救。香港人如果要留港消費、將啲錢使得到位，最起碼要遇到呢啲餐廳，我哋先心甘情願留低。

去咗喜來登食大閘蟹主題 Buffet，整體體驗真係好滿意！主角大閘蟹雖然不算好大隻，但勝在夠晒新鮮，肉質好實淨而且爆膏多膏，食落非常鮮甜！ 除了大閘蟹之外，其他食物嘅 Quality 都好高，種類又多。生蠔 Refill 得超快，基本上隨時去都拎到；熱菜同燉湯都做得很到位，相當好食！連 Drink bar 都有超多餐飲可以揀。 用餐環境清靜好坐，服務亦好到位，啲 Staff 收碟同補濕紙巾速度極快又主動。整體 CP 值高，真心值得推薦！