Sogno Cafe+｜「任食、任飲、任坐」放題套餐｜中環

無論同閨蜜知己去定享受一個人me time，都好值得一試，可以任飲任食又可以坐足五小時！雖然地方唔大，任食款式不太多，但味道不錯，食物不馬虎，加上員工態度親切，性價比高！ 今次食左黑松露鴨胸意粉，Sogno全日早餐，吞拿魚碎蛋千層酥，鹹蛋黃鬆餅，伯爵茶戚風蛋糕，麻薯窩夫配雪糕，飲品係牛油果芝士奶蓋沙冰，熱美式和乳酪藍莓沙冰！ 特別推薦伯爵茶戚風蛋糕，有香濃的伯爵茶味，又不會太甜！麻薯窩夫賣相吸引，加上香脆煙韌，一試難忘！牛油果芝士奶蓋沙冰調配十分夾，好好味😋 整體十分滿意，下次會再去食！

端午節無事做，咁啱喺klook見到呢個優惠，完全在沒有考慮下就book了。 店舖不算太難搵，行完donki就行少少路就到了。 於早一日有職員致電confirm booking，confirm左12點到。當日早了少少到11：45到，入到店內，職員話需要時間準備，咁就喺門口等左一陣，但通風好差，超級焗，忍唔住落返樓下大堂等，起碼有啲冷氣。 終於到12點，職員安排了我們入座，職員都好有禮貌，亦有耐性解釋任食嘅點餐過程。 雖然係任食，但食物質素高，一啲都唔馬虎。 不過窩夫就麻麻地，朋友點了一窩夫，等了半個小時先到，以為漏單，向職員問左，職員話係要等咁耐，咁我地滿心期待，終於等到了，賣相好靚，但一食.....個窩夫是凍的，真心唔知點解要等半個鐘。 而座位就迫左啲，好容易會撞到啲檯櫈。 總括黎講係抵食嘅，都會介紹朋友黎食。

雖然是任食但飲品及食物質素不馬虎。可以放心坐到時段結束，係一個食物同傾計放題的好地方。飲品Latte, Mocha, 牛油果沙冰，同玫瑰乳酸都好飲。野食鍾意黑松露鴨胸意粉，雪糕麻糬窩夫。欣賞佢有肉食但亦有好多素食選項。Vegetarian Frendly👍🏻基本上上菜都快，偶爾要提單但之後都會上番。咁既價錢咁既質素可以坐成4-5個鐘絕對超值。

值得推介的一間好餐廳！ 睇得出亦食得出餐廳的用心製作，不論環境佈置、食物款式、質素、套餐設定等，雖然任食的食品同飲品只得各10款，但也沒有敷衍，值得 encore ；當然你也可以補錢叫其他食物。 當中印象最深的是麻薯窩夫和伯爵茶戚風蛋糕，有機會可以再光顧。 整個消費體驗最差係 k look 的客服，完全唔係同人溝通，只係係度扮AI ，仲要自己 off 人 line ，投訴左又無人跟進。。。

如果係想同三五知己搵個地方吹水嘅話非常推薦，今次食6點個場。 食物方面：雖然款式唔算多，但每樣都好有心機做，味道好，飲品非常有誠意，牛油果沙冰好特別好味推薦不過建議最後先飲有d飽，其他飲品都非常好，平時cafe一杯都成40蚊杯飲3杯已經回本啦。食物擺盤有心機，可以順便打埋卡，自己覺得吞拿魚酥盒好味，唔係淨係話一pat吞拿魚醬，而係同蛋沙津溝埋一齊，無咁膩。 服務方面：餐具自助服務，店員有問必答有禮 價值方面：如果你要求係放題咁多嘅款式佢絕對唔係，但論誠意心機佢絕對值回票價 氣氛：地方唔算大，枱與枱之間比較逼，個日去夜晚滿坐，可能當日大家都鍾意講野，唔算話靜，唔係連所cafe個d可能比到你溫書個d

食物大致上好食、新鮮，款式唔多，但係即叫即做，新鮮熱辣。牛油果奶蓋沙冰真心好飲。cafe無乜服務質素，算係半自助要自己攞刀叉匙羹筷子紙巾同埋自己斟水。Cafe氣氛一般，無特別。環境地方算係細，只有幾張細枱，麻雀雖小，五臟俱全。

KLook 好介紹，有驚喜。這裏絕對適給三五知己聚會的好地方，地方不算大，但環境和食物都很好，服務員態度親切，麻糬窩夫，鹹蛋黃手作scone，他他醬蝦多士，牛油果芝士奶蓋沙冰極力推薦，真是任飲，任食，任坐的好地方，下次會再來。

✅ - 食物不錯（力推南蠻雞 + 蝦多士 + 熱桑葚果茶！） - 每碟不算太大份量，凍飲亦可以選半杯，唔會太快飽，可以樣樣都試啲！ - 可以坐3個鐘，慢慢傾慢慢食，超級抵。 - 店裏的職員都很nice，服務超讚！ ❌ - 有些食物一般（如吞拿魚酥、全日早餐中的牛角酥） - 店舖細，如果唔係坐梳化，有些位都幾窄

食物用心👍🏻…上菜速度ok👌🏻… 環境雖然不太寬闊…但也舒服…五個半小時輕鬆渡過… 過了一個愉快的週末下午☺️ 必試牛油果沙冰…真係好好飲🤤 蝦多士同炸雞都好好味😋 其他食物也水準在線… 有機會會再嚟！🤗

超值不論食物和服務都好好，而且食物配菜份量和熱度可按自己要求寫上，服務員友善配合，大推黑松露鴨胸意粉、雪糕窩夫、全日早餐、咖啡、蜜桃茶，可惜此優惠只做到7月😐！