【 户外親子體驗】深圳東部華僑城黑森林嘉途酒店住宿套餐

除了自駕，call車，計程車外，也可以在地鐵海山站B出口行5-7分鐘到雅庭國際酒店，望到巴士站總站，假期日總站容易有位坐，車程也遠，坐雲海公園A線在茶溪谷停車場下車已經見到黑森林途嘉酒店，車費￥15。走時在下車點對面巴士站等車可以了。酒店房間舒適，園景，不過小朋友超多，非常嘈吵，很適合帶小朋友來，穿越叢林可以玩很久，小火車坐20分鐘，風景不太多，行使中可以看到小火車的軌道，很值得看，中途停5分鐘，有個小賣店，早餐不要太大期望，食得飽的，早去容易搵位，9點後找位較困難，小火車入口側有小食店，飲品，雞蛋仔，麵.......，都較為小食的，餐廳只有返回酒店了，獨市。這裡園超大，可惜荒廢的更多，原本美極的園林已今非昔比了，要行的看風景的也不多。線的說，帶小朋友玩是一絕，超合適。

酒店範圍新淨企理，房間整潔，係隔音差小小。復活節有5個特備活動，其中有3個免費活動，下午兩點半check in 後都可以預約到即日參加。酒店內兩個小型playroom，適合年紀較小小朋友。晚餐提早至少一個鐘前嗌美團外送，叫左3間唔同店舖都冇額外收運費👍🏻第二日早餐，正常餐點飲品。食完坐第一班小火車，唔使排坐唔滿人，天氣一般，冇景睇，有中途站停10分鐘去洗手間/買水。坐完小火車隔離就係叢林穿越，小朋友年紀細加上早一晚可能落雨怕蚊咬，所以冇玩。但眼見其實應該好好玩👍🏻 call車上落山都好快有車，呢兩日一夜小朋友都表示滿意☺️

在前一個po已分享日頭行程，到夜晚晚餐，我地因為早一日食左A餐，諗住今餐食B餐，但最後因為無义燒，所以B餐無曬，我再問職員可唔可以將A餐嘅主菜轉為B餐主菜，職員都好好，可以幫我哋轉，而份量都好多，絕對夠食，夜晚7:30左右另一個活動，睇得出酒店係有誠意嘅👍，第二日嘅早上，早餐同琴日一樣，因為我哋仲未玩叢林攀爬，所以10:00就去到現場，職員話因為前一日天雨關係，所有玩樂設施都比較濕，所以仲未開放比遊客玩，要等10:30，點知未到10:30又落一場雨，確實好掃興，最後場地可以俾我哋重新再入，於是我哋等到12點，見到冇落雨，就好成功咁玩咗到，而因為呢個活動有延遲，所以酒店都比我哋延遲到一點先check out，值得一讚👍呢間酒店要任何嘅外賣，最少要1小時先至送到，所以需要叫外賣嘅朋友請做足準備🤣

見到有好多KOL分享，於是就book呢度住3日2夜。黎呢間酒店，山腳到酒店需時20分鐘，到步已經3點，我地出發去坐小火車，車程大約50分鐘左右，到5:30就晚餐，但菜單只有兩個餐，味道唔差，但選擇的確比較少，到7:30有比小朋友玩既活動，小朋友玩得開心，真心係有誠意既。由於酒店位置山上，無夜生活，我地一家9:00就訓了（係真正既渡假）。朝早早餐不過不失，唔差既。最失望係落雨，原本想玩叢林攀爬，都因為天雨關係已暫停，最後我哋選擇嚮冇咁大雨嘅時候去泳池游水，泳池有兩條瀡滑梯，原本泳池滑梯係開10:30至11:30 ，因為天雨關係延遲咗，救生員都有幫手開咗半小時比小朋友玩吓，游完水就因為落雨嘅關係，所以冇咩活動。直到晚餐⋯

今次我旅程很不錯，尤其是在klook 搶到優惠的package。房間很大很可愛，小朋友很喜歡車車風格的房間，上下床設計也很合理。房間望向泳池，景色很好。泳池遊樂設施也很不錯，真是樂而忘返。另外套餐包括了森林小火車，也很值得去玩一下，需時50分鐘。在優美的自然風景下行駛，瞬間變到達了終點了。

睇相泳池同playhouse好似好大，其實都好細，假日泳池人山人海，playhouse 設施亦不多，比較適合小小孩。早餐時間餐廳爆滿，食品選擇種類小，refill速度慢，大量食物長期清空。酒店不時有職員帶領的小朋友遊戲活動，氣氛很好，整體小朋友玩得非常開心。小火車景色很美，但叢林穿越的設施不多，比較適合大一點的小朋友。

酒店本身很不錯，有兩個小playhouse，有戶外小公園，房間好靚又乾淨，有泳池有嬉水池有長滑梯，本應天氣好的話會好好玩，但咁啱入住期間係雨天，池水變得好凍，只可以留享圓形暖水池簡單玩下水。早餐款式少只係夠飽，午餐晚餐都唔吸引，加上落雨，無call車出去搵食，只係近近地小食店叫外賣，雨天連串燒都無，美團叫個糖水亦十分不便，兩小時才送到。套票50mins火車風景好靚，另有付費卡丁車小火車電動車

交通便利性：不太方便 早餐：還可以，種類不多 整潔度：4／5分 服務：4／5 酒店地點：位於山上，call車上去要買齊所需物品，否則下山需15分鐘車程，山路崎嶇，我們call車上酒店時，還遇到撞車，不快愉快的行程！

完美的親子酒店，服務員友善和親切，對我們要求的事情馬上做好！酒店下面的水世界是小朋友夢寐以求的樂園，如果水溫和暖一點就更加好了！

在蓮塘口岸過關後，搭計程車到酒店大約需要30到40分鐘。附近沒有太多餐飲選擇，所以您可以選擇在酒店用餐或叫外賣。酒店本身有很多設施可以讓孩子們玩樂，包括一個小型室內遊戲室、另一個有鵝卵石沙坑的室內區域、一個室外恆溫游泳池和一個室外公園。我帶了三個孩子去了兩天，他們玩得很開心。房間裡的設施很基本，沒有兒童便盆或墊腳凳。不過，有提供兒童牙刷。總而言之，它具有成本效益，我會再次入住。