海洋公園 + 美食 (包入場登記及旅遊巴)

行程安排滿意，旅遊巴接送時間很準，整體都不錯！

我買左門票+午餐+單程接送$298，呢個package真係抵到爛😁 全日玩得好開心好舒服，因為人唔多，減少左好多無謂既排隊時間。午餐有4間指定餐廳選擇，我地揀左灣景餐廳，貪佢view好，去到竟然即時有位，唔洗排隊。午餐點了吉列豬排，好食就一定唔係，但算過得去，朋友點了繪牛腩飯，佢話味道好淡，唔好食。 整體而言，全日都玩得好舒服，人流冇以往咁擠迫，可以去到更多景點，值得推薦👍🏻👍🏻

非常抵玩👍🏻價錢已包入場及午餐🍽大家玩得非常開心。早上9:45到中環站集合，領隊Pauline有禮貌、笑容親切，帶領入場後已可自由活動。當日天朗氣清☀️影咗好多靚相。午餐有4間餐廳可選，我們揀了環境最靚嘅餐廳午膳🍛🍝食物質素不錯，選擇種類亦萛多，而且份量超足夠👍🏻肚子很滿足。一日時間要睇動物🐼又要玩機動遊戲🎢真係唔夠時間😊會計劃再入場再玩過。

暑期去海洋公園 超值之選~ 雖然集合果時落大雨 ，但無阻我哋捉住夏日嘅尾巴 帶領嘅導遊Ben sir好專業・ 幽默。 價錢包咗導遊 旅遊巴士 入場門票同午餐套餐＾＾ 同屋企人揀咗去海洋冰室，咕嚕肉同巴東牛肉都好好味 咖喱雞就麻麻地。 暑假剩底唔夠一個禮拜。希望畀到其他人參考啦~o(￣▽￣)ｄ good

早上9:45在香港站添好運集合，一行二人進食十款點心，真的會太多，可能太早關系，食唔晒🤣，如果下次會選樂園餐！大約10:45集合上旅遊巴去海洋公園正門，女導遊非常專業在車上會講解行程及各樣事宜，估唔到門口真係好多人等進場，我哋係團體飛所以有另一邊入口，之後就各自玩樂。這個價錢真的非常抵，所以下次一定會再購買

活動當天直接到指定地方集合，我們是在K11, 都到就能看到導遊。而上車後，會先到中環接人，就都海洋公園了。會派發入場卷和餐券，餐卷可以換到的食物很多選擇，而且有飲品，甜單，很化算。如果下次都再有這個package 都會繼續買。

很滿意的選擇，一張平時入場券的價錢，今次行程包了旅遊巴送程、入場券、還有4選1的餐卷（主菜、飲品及甜品）。尤其是餐廳的景色，特別一讚👍🏻。小tips, 餐廳平日可以用GULU 取飛，不用坐定定等位。下次一定跟這package, 已推介給朋友👍🏻

價錢好抵，添好運點心好好食，領隊好有耐性。 相信係最平既海洋公園門票，有旅遊車送到去正門大約15分鐘就到。好耐冇去海洋公園，咁啱有奧運選手嚟，都好近距離同佢地接觸，唯獨係某些機動遊戲排2小時太長，如果長者只去行行d館是很不錯的。

剛好揀啱日子到海洋公園遊玩，當日正是霜降天氣稍涼。套票好抵包入場券及一個餐，由朝早十點可以玩到夜晚十點，適逢十月尾有萬聖節🎃，非常盡興，不過失望之事，表演劇場暫停演出。唯有入海洋🦭館、北極企鵝🐧館、熊貓館🐼、水母館探吓可愛動物。乘搭纜車上山，我當日選擇午餐🍽有飲品、正餐、布甸仔甜品🍮，份量足算唔錯，食飽有氣力，當然係去玩下機動遊戲啦，玩完一輪就會落返山去香港🇭🇰懷舊大街行吓，到咗入黑就梗係去🧟‍♀️扮吓羅蘭姐嘅Hel哈囉喂全園啦

買這個package完全是因為價錢取勝，自己買海洋公園票都要$360, 現在只需要$298, 用ZA card更有11％回贈，即是$265！包入場券，仲要包埋一餐。揀咗灣景餐廳歎靚風景，食物也不錯（包主菜，飲品同布甸）。個餐值$150左右，而家套票包埋，真心超值！咁平因為旅行社有政府資助，所以先咁平。 早上集合因為有人遲到，所以要等多幾個字先上旅遊巴。導遊麻麻地，俾我感覺壓唔到場。只是這不重要，因為去到海洋公園已經解散，各有各玩。最重要係平。