【獨家特惠】珠海橫琴凱悦酒店住宿套餐 | Hyatt集團

酒店地點：方便易找，連著創新方商場，亦近橫琴關口，去埋澳門都方便 服務：十分好，有查詢必答，有情況必幫手處理，帶著小朋友花點錢住5星酒店就是不想麻煩。聖誕節帶小朋友來快閃，連埋聖誕自助晚餐&早餐套票真的好好，12歲以上的孩子在22/12前另外再補買聖誕自助晚餐，也很方便。早餐現場另加購一百多也不貴。 整潔度：乾淨企理 交通便利性：自駕遊很方便，有免費泊車，停車場負二層C區亦有充電位，歐標充電位在高德地圖找找便有，離酒店不遠的。就算不自駕，打車也是很方便的，樓下商場吃喝玩樂（卡丁車、口袋屋）/去長隆/騎馬/過澳門都很近。

酒店房空間充裕，景觀也唔錯。 閂埋窗簾第二朝都好夠黑 。 廁所同沖涼嘅位置係分開，浴缸夠大，小朋友沖涼好開心。也可以選擇用花灑或是天花灑水。 酒店設施方面，有室外室內游泳池，當日天氣涼，室內池雖然恆溫，不過都唔太暖。 另外有一個小朋友嘅室內池，不過其實都幾細，水深好淺，有啲波波同埋一隻鴨仔比佢哋玩，適合幼稚園兒童。 小朋友玩個地方悅趣營地方都唔大，有個細細繩網，有大細積木區，有兩部射槍/揸車嘅遊戲機，當日有得整棉花糖，小朋友都開心。都係夠玩一個鐘頭。 有個室外遊樂場，但係啲職員呢都好似唔係好清楚。最尾都係冇去到。 健身室都幾大幾舒適，都幾多機可以玩。 早餐方面，我覺得好豐富，品種算多，係酒店質素，感覺衛生。 可惜嘅係雖然好近一個商場，但係商場嘅配套真係好一般，好冷清嘅感覺，沒有逛嘅必要，除非你係直接去嗰啲兒童遊樂場。 另外有Tesla充電，不過當日沒有試。

連續第二晚入住這間酒店 ， 高層客房視野明亮開闊，空間感與舒適度滿分。館內員工款待禮貌，升級嘉賓軒更添尊貴。豐富早餐美味多樣，並具備完善泳池、工作坊與遊戲室，直通商場極其便利，是內容豐富的頂級親子酒店。 頂樓酒吧設計新穎 傾偈一流

係正嘅。登記入住時招呼已經好好，房間空間大，廁所同沖涼房乾濕分離，清潔係okay 嘅。3000蚊，包聖誕正日兩大一小自助晚餐，有生蠔、龍蝦、大閘蟹、即劏藍鰭吞拿魚、三米長聖誕樹頭蛋糕⋯⋯仲包翌日兩大一小自助早餐，無乜嘢可以挑剔啦。

酒店乾淨漂亮，前台有禮貌又勤快，知道這次入住是慶祝生日，晚上送上生日蛋糕很窩心，自助晚餐選擇雖然不算多但味道都很好，下次會再來住

飯店地點：就在橫琴創新方商場，很容易找到。地面有幾個露天車位，還有地庫很多車位，下雨也不怕。 早餐：整體非常好，有很多座位。味道不錯。 整潔度：房間很大很乾淨，唯一可以改善的地方就是廁所馬桶房是沒有窗戶也沒有空氣扇風，所以如果開大號，味道很濃。

酒店大堂服務員TIM，十分有善，幫我們安排登記入住，整個流程十分流暢，講解亦好詳細，令我們對貴酒店嘅第一個印象已經係一個十分好嘅開始，酒店見到我哋登記入住時提供嘅證件，知道同行有人生日，十分驚喜喺夜晚特登送一個生日蛋糕畀我哋慶祝，仲好細心提供蠟燭同火柴，送蛋糕嘅職員叫吳明邦，笑容十分親切，喺佢面上嘅笑容都令我哋感受到酒店對我哋嘅一份小心意，令我哋都十分甜絲絲、開心滿意♥️。晚餐起中菜廳享用，食物質素不過不失，相反第二朝嘅早餐令到我哋有驚喜，款式多、食物質素高。酒店整體畀我哋感覺都係十分良好，職員好有禮貌，我哋都感受到佢哋好有熱誠。真心讚 👏👏👏

這次三天兩夜住下來，整體感覺相當愉快，屬於「宅飯店也不會悶」的那種。 親子設施 酒店對小朋友非常友善，同時有室內同室外泳池，加上閱讀室同遊戲室，小朋友放電無難度。唯一小小建議係：如果戶外泳池可以開到夜晚就更完美，天氣涼爽時游一轉會好chill。 客房體驗 房間面積闊落、收納空間充足，住起上嚟幾舒服。不過冷氣稍嫌「唔夠力」，即使調到16°C都覺得偏焗，夜晚仲有少少出汗；希望酒店可以加強房內空調效能。 自助早餐 早餐表現非常出色，選擇多到目不暇給，基本上中西式都有照顧到，大人小朋友都搵到啱食嘅。員工補菜勤快、指引周到，服務感受一流。 Happy Hour 體驗 旅程中最驚喜嘅環節！時段內酒水無限續杯，氛圍輕鬆又唔吵，啱晒同朋友聚一聚、傾下計。以酒店同級數嚟講，CP值相當高。 服務與貼心度 前台同樓層服務都非常出色，特別幫我哋安排相連客房，而且中間有連通門，晚黑可以先安置小朋友訓覺，我哋大人就去隔離房慢慢chill，呢點真係加好多分。 商場配套 酒店樓下商場面積大、環境新淨，亦有小朋友玩樂設施，不過整體人氣同店舖密度未算太旺，逛起上嚟會覺得靜了一點；如果想掃街購物，預期要放低啲。 總結 整體係一間非常適合親子放空嘅度假酒店：設施齊全、早餐同Happy Hour都好驚喜，服務亦相當貼心。若能改善房內冷氣效能、延長戶外泳池開放時間，就幾乎無可挑剔。 三日兩夜剛剛好，基本唔需要特別出去走，留喺酒店已經夠玩夠休息。

酒店穿梭巴士由港珠澳大橋停車場直達，很方便；前台職員Eli小姐態度親善有禮，詳細講解酒店設施及服務，值得予以表揚；房間佈置雅潔，不落俗套，本人整體都很滿意。

房間很大冷氣夠凍廁所同浴缸分開乾濕分離1十分不錯但自助早餐要排半個鐘先可以入座