南洋酒店 South Pacific Hotel 餐飲住宿優惠

大床好濶，三人都得， 搭𨋢時候 開𨋢見到低樓層 裝修比較舊， 唔知係唔係低層未裝修呢？ 房包嘅食物分量好大，好飽， 蘑菇湯好有水準！ 飲落去超多蘑菇好濃， 漢堡好食！雞唔會好嚡味道一般＆ 豬鞍比較茶餐廳。 兒童餐個意粉味道真係好需要改進！ 全部職員態度服務好，房高層見到馬場景， 房間舒適光猛乾淨企理， 時代廣場近在咫尺行街買嘢好方便！ 廁所有洗頭水護髮素 沖涼液嘩友拖鞋牙刷牙膏梳毛巾， 有兩支免費水有雪櫃有電熱水煲。 其實算好抵！ 性價比高 可以有下次

多次到南洋酒店staycation，一如過往的好：酒店各部門服務員很有禮貌，每相遇任何一位都會打招呼，讚！咁啱今次發現智能馬桶失靈，請服務員幫忙，咁啱是我哋係房間食緊晚餐的時候，服務員除了很有禮貌同用心幫忙外，佢重留意我用房間的床頭櫃當櫈坐（因為全房得3一張椅）,佢即刻幫我另外拿一張椅子給我用，重說："可以叫我哋攞櫈用架！因為你用個床頭櫃坐會驚整親你架！" 我真係覺得好喎心，酒店的服務人員真係好用心，服務超好，值得欣賞和推介！食物方面，一如既往的大份量，好味道👍👍👍，房間內用品今次重換咗啲較高級的潤膚膏，洗頭水，謢髮素，沐浴露👍👍，總之南洋酒店的整體係超值，力推👍👍👍👍👍

6月底我們選擇了南洋酒店staycation,check in時前台幫我們upgrade了房間。來到房間打開窗簾，發現景觀還不錯，能看到半個馬場。再看看房間的陳設，比較簡單，但乾淨，雙人床很大，應該有6尺寬。房間的電視則相對較小。晚上我們選擇了5道菜，食物素質很好，服務員都很有禮貌很殷勤地為客人服務，整晚的氣氛都很柔和浪漫。第二天的早餐是自助的，提供簡單的中西式早點，但吃得很飽。整體感覺很好，工作人員的服務都非常熱情，我們很滿意。

聽過很多人推介，終於來體驗一下。 下午2點多checkin，前面大概2組客人在等， 5分鐘左右就到我地，安排了25樓高樓層 景觀望向銅鑼灣一帶，景色開揚，有一隙維港景。 我地訂了包晚餐同早餐。 在checkin時就會叫你揀定食咩餐同幾點食。 大家可以先上網睇定食咩，免下位排隊等太耐喔！ 揀左20:00-20:30送餐上房，十分準時～ 餐點來到房仲熱的，牛漢堡無得輸～ 漢堡很厚很juicy，磨菇湯好飲！ 叫左一杯熱奶茶，佢唔係港式個種， 會比個茶壺你再加隻咖啡杯比你自己倒， 再附上糖同奶，甘就唔會凍左，好細心體貼～ 早餐0700-1000在2樓柏景餐廳。 款式雖然不算多，但質素良好。 有茄汁豆，烤薯仔，中式點心，粥，菜，串燒雞，幾款面包及沙津吧等等。 仲有位好好心機既廚師哥哥煮蛋，你可以揀自己喜歡既滑蛋/炒蛋/煎蛋/奄列。 我地食得好滿足～～ 仲可以2點check out， 呢個$599價有以上服務係性價比超高， 會再住！

今次用埋klook積分去訂房一，合共都係四百頭。 由於房型近年裝修過，所以好新好整潔，感覺好舒服。 我係住17樓，面向對面大廈，有少少嘅馬場景見到。 浴室廁所好驚喜，係仿日式馬桶，恆溫的，依個真係要比讚👏🏽 早餐係最大驚喜，因為無限兼不限時供應，基金野例如穀物麵包果汁咖啡等等都有。炒蛋十分好味！我地前後食左4份早餐，真係抵番哂。 如果要講美中不足嘅地方，就係早餐嘅中式款式麻麻，蘿蔔糕，蝦餃等點心似超市急凍點心翻熱。 另外就係房個電視雖然有HDMI槽，但電視機無連上網，所以如果用電話投射畫面去電視機上睇Netflix就睇唔到了。。 總結：性價比高👍🏽

網上最近好多人都推介南洋酒店 呢個pkg 真係好抵玩 12點check in ,第2日可以2點check out 即係26小時Staycation 阿 仲要價錢都係599 我地11點幾已經到左 ，check in 好快 大約5分鐘內已經可以上房 房間係非吸煙房黎 ，冇任何怪味異味 呢度既大床雖然係2張單人床合埋 但都比一般酒店既床更加大 房間用上日式新裝潢，感覺舒服 晚餐既水準好高 ，準時6點前已送到 磨菇湯好真材實料 ，好味道 burger 凍左少少 ，跟餐薯角好脆 主菜塊豬略微有少少un ，但都okay 咁既價錢真係唔可以有要求 送既生日甜品係yogurt mousse ? 味道有d 特別 ，我地最後都冇食哂 第2日早餐9點已經好多人 牛肉燒賣同叉燒包係凍既 但煎蛋就煎得好靚 ，值得一試 26小時Staycation 性價比好高 酒店同餐廳服務都好好 有機會都會再黎多次

今次為咗慶祝老公嘅Anniversary揀咗呢間南洋酒店，亦都想自身證實吓佢係咪真係喺網上衆多平靚正嘅評語當中是否真確？！ 本來有啲憂慮呢間酒店年資已高，擔心佢啲裝修過舊，最後嚟到發現南洋酒店雖然都翻新咗一段時間但都KEEP得好新淨，無論係大堂、樓層、餐廳都好新淨，呢點先放底咗心頭大石。 酒店嘅位置幾方便，行去搭地鐵、Sogo.. etc., 10mins內就到。 先喺櫃臺check-in，櫃臺同事專業嘅服務好快手完成；房間嘅清潔度都算好，至少見唔倒啲上一手嘅痕跡🥵(呢樣嘢都幾驟忌)，酒店提供咗高層俾我哋所以一開窗嘅景觀都幾開揚。兩點check-in後我哋先去咗酒店附近嘅拉麵店、甜品鋪食嘢… 到咗晚餐時間啦，服務員非常準時送嚟我哋喺櫃臺check-in嗰時已經點定嘅晚餐款式，熱度都算keep倒而且味道真係唔錯，不論係個炒飯還是漢堡，我哋都無失望。 晚餐後我哋去咗附近逛下街，DONKI係我哋嘅首選，最後都有收穫。 到第二朝去試我鍾意嘅自助早餐，雖然話佢哋嘅款式唔算好多但總體都算滿意，款式較少但勝在味道唔差。 最後我哋嘅總結係南洋酒店真係做得到「平、靚、正」呢個水平，的確係實至名歸😅。

免費升級至雅尚客房+晚餐套餐+早餐 呢間酒店無論係 。。。客服～環境～食物～服務，都令我十分滿意 💯 尋晚放工7點幾先到酒店，喺check in嘅過程中嘗試問客服可唔可以從原本2點check out，延遲到2點半，客服居然幫我延遲到3點鐘，真係好好 💯 check in時會先點埋晚餐🍝 同 早餐🍳 房間好大非常乾淨👍感覺好舒服 💯 洗手間係智能坐廁板，可以因應個人需求調節 晚餐🍝 係喺房到食，有好多款式揀一個餐有中西湯+飯 或 意粉+飲品，份量很足亦好味👍 早餐🍳 可以揀喺房 或 到2樓餐廳食，餐廳係自助形式，雖然唔係好多選擇，但都算唔差嘅🆗️ 💯 整個過程都十分滿意 👍 價錢💰5️⃣9️⃣9️⃣個人真心認為～十分合理✅ 一定會再黎

被派到的房間景觀開揚，房間裝修蠻新，房間空間在同類型的商務酒店算是寬敞，房間內USB充電位置多，驚喜的地方是洗手間竟用上多功能清潔的廁所板，雖然沒有使用該功能，但總算是賣點吧⋯⋯ 晚餐套餐被安排於二樓宴會廳，由安排入座至吃畢離去，侍應的服務都很好、非常有禮，上菜時間安排妥當，檯與檯之間距離適宜。 雖然自助早餐的款式不多、不過以business hotel 來算是過得去，性價比高、酒店服務態度優良。

我們到達酒店未到下午二時可以Check-in ，職員Mr Colin CHEUNG 態度專業，交待詳盡有禮，好快安排了翻新樓層2207號房間予我，房間整潔光猛，淋浴期間發覺花灑頭嚴重破損，致電前檯職員，好快又給我更換修理；房間冷氣很凍，要求職員調高溫度，姐姐態度親切有禮；晚餐送餐準時，唯食物質素有待改善。翌日早餐到柏斯餐廳，被安排到右邊寧靜舒適的酒吧二人桌，餐廳食物款式雖然有限，質素尚算令人滿意。今次以港幣七百幾可以享受到如此高質素的酒店服務，醃尖的我也沒什麼可以挑剔了，有機會會一定再來。