獨家優惠：港島太平洋酒店度假餐飲住宿優惠

今次是我第近一年13個Staycation, 大大小小4至5星水平的酒店都算試過不少，然而這一間是我最想留在房內的一間。有幾個我要特別讚許酒店的地方，我想用每一點去講一下。 1）環保方面，酒店堅持不用樽裝水，每層用過濾水機代替，這個可能帶來旅客不方便，但這個堅持我十分欣賞。 2）房間清潔及窗外玻璃清潔，我覺得酒店做得都十分出色，講真有好多老牌5星酒店都不能達標。 3）色內簡約高樓底設計，香港串寸尺金，很多酒店房間都沒外國那麼大，最大問題就是樓底，好多都十分矮，感覺逼壓。所以當我入住時，見到房間的高樓底，和簡約設計，完全沒有感受以住那種逼壓侷促，還要有窗外的美狀麗海景，十分舒壓這個十分欣賞。 4）自助午餐特色，本身今次我是經KLOOK預約的，見價錢那麼平，就是想試一下並不帶期待。但是當到餐廳，甚至開始食的時候，我發覺酒店的自助午餐帶給我不少驚喜。 豬腳薑，雞蛋仔，豆腐花，很多帶有本土特色的，海鮮等都是比我預期驚喜，還要今次的價錢660元包了兩人自助午餐和升級海景房，這樣還有得輸嗎。 5）酒店服務用心，綜合的滿分我不能不給，我腳帶有點少傷，酒店職員細心的問侯給為我送上膠布，或者是很細微的事，但是在疫情下，香港酒店我充分理解是步入十分艱難的時候，但酒店在各方面保持用心代人，給我們本土香港人在這個沒機會外遊的時侯， 讓我們體驗更多酒店的專業，給我們美食和娛樂，我們會記著，謝謝你們的用心負出，希望疫情後你們每一個職員都得到合理的回報。

呢間酒店實在太舒服！！ Package: 24小時免費升級海景房，包早晚餐 服務：4.5 最多謝訂房部Amanda，send email去想要雙人床角房，因正值復活節，都知房源會比較緊張，抱住冇都唔緊要嘅心態問一問，最後佢問我太約會幾點check-in幫我留房，因為入住當晚出去食完自助餐先check-in，所以晚上9-10點先到，Amanda主動幫我地嘅晚餐改到第二日享用。整個住宿嘅服務員都好好，見我嚟緊搭𨋢會主動幫我㩒定等我。 扣咗嘅0.5分係執房姐姐記錯退房時間，7:55pm就敲門話以為係8點退房，但佢知記錯都好好禮貌講唔好意思。另外就係食晚餐戈時懷疑佢落錯單去隔離枱，等咗一個鐘先只係飲到頭盤碗湯，同埋聽到佢同另一台話set dinner飲品改咗送餐酒但就冇同我地講過（我地食一樣嘅野），不過我地都唔飲酒，所以冇乜所謂。 房間：5 角房雖然兩大面落地玻璃，但原來都係得一面望海，另一面係對面樓，不過成間房都係窗個空間感係會舒服啲，同埋落地玻璃望住個海真係好寧靜好舒服～另外，特別想讚佢地個枕頭好舒服！夠挺身，好承托，唔會訓落去啲棉走去另一邊，勁好訓！！！ 餐飲：5 全部食物都係落完單即整，會用熱碟幫食物保溫，甜品就用凍碟。早餐我地叫咗一中一西，中式份量好多，味道普通；西式啲包全部都即烘，仲係脆卜卜熱辣辣，烘得好香，啲包的確唔錯！而晚餐我地都牛同魚各一，牛叫咗5成熟，出到嚟啱啱好，啲肉真係好嫰。但我都係鐘意食自己戈碟三文魚多啲，佢個汁有啲似羅宋湯嘅蕃茄味，三文魚上面有好香嘅蒜粒，但三文魚煎得香香地，perfect match! 前菜個忌廉蘑菇湯都好好飲，好香蘑菇味，但有少少偏鹹。整體都好好食，抵啊！

位置十分方便,海景房間景觀一流,可提早check in, lunch buffet選擇不多但質素不錯,甜品refill速度不夠快,飲品選擇不多,但酒店職員很友善有禮.

酒店的房間很乾淨，住了海景房有落地玻璃，景色很靚！早上叫room service 別有一番風味，推介！另外餐廳的食物很不錯， lunch set既甜品可任叫👍👍👍

地點方便 就喺西營盤站附近5分鐘內到達 這個價錢來講冇得挑剔 雖然冇晚餐堂食 但係可以改時間中午享用晚餐 或者食午餐 整體來講不錯 會再來

海景景觀一流，房間升級有角窗，有浴缸，自助餐還不錯，服務態度好好。復活節來說係超值。

復活節最後一日黎玩，自助餐有復活節相關嘅甜品，野食係合理質素，有唔同嘅港式嘢食好似豬腳薑、雞蛋仔、豆腐花等，仲有H牌雪糕。 迎賓位置有復活節蛋俾小朋友同埋爆谷！ 房間海景一流！多謝Man 幫我地，服務態度非常好！ 雖然房間唔大但係樓底好高！2:00 late check out 好好，可以去附近有唔同特色景點，例如：捐山窿公園 六百幾蚊好滿意！

睇到海景，有埋早餐，抵玩。房間都舒服，洗手間夠大。職員又nice。鐘意房有大圓桌，疫情期間冇堂食都可以帶外賣番房食。不過得一張椅子。 但klook寫可以2點check out，職員話酒店紀錄係1點，我地講話app係寫2點後，職員都樂意做番2點，太好了。 早餐就冇咩特別，同出面既all day breakfast差不多。同埋如果有素食者適用既餐就更好。客人要自己走煙肉腸仔。

酒店舒適，24小時實在太滿意了，好像玩了兩天一樣 但Klook 晚餐跟酒店實際晚餐菜單有點出入，但最後酒店度安排跟klook的菜單一樣，希望klook與酒店有更好的溝通，避免客人尷尬，晚餐那個三文魚煎得10分可口，我原本不吃三文魚的，最後全部吃下👍🏼 酒店乾淨，食物送到上房還是熱呼呼，食物也非常美味，早餐也非常滿意，特別炒蛋很出色。 希望港島太平洋酒店跟klook以後還會推出這項優惠

有大半個維港景觀，房間雖然唔算大，但樓底好高，所以感覺都好舒服。自助餐方面，服務員好勤快咁收拾碟，食物款式都唔算好少，仲有特式嘅雞蛋仔、芝麻糊，甜品都幾好食。