Staycation優惠: 美麗華酒店 The Mira Hong Kong 住宿連餐飲

酒店領房簡單快捷，好多適合小朋友設施，大人小朋友都玩得好開心！

慶祝亞仔10歲生日，特登book酒店同佢慶祝。自己買嘢去幫阿仔佈置，走之前當然拆返晒還原啦！ 多謝酒店同餐廳都送咗蛋糕比阿仔。兩個蛋糕味道都幾好食，餐廳嗰個仲要好夠凍，食阿仔好開心！ 特別要讚賞泳池一個男接待員，唔知佢叫咩名，只係記得佢面圓圓，年戴眼鏡，30/1晚18:00左右放工。老公着便服落去陪亞仔游水，但係個接待員好熱情咁介紹泳池嘅設施。除咗有一個37度嘅按摩池之外，仲有桑拿房、入面又另外仲有按摩池⋯⋯搞到老公聽完之後心郁郁，嗱嗱聲上房換泳褲落嚟浸。對工作好有熱誠的後生仔。 自助晚餐都算多嘢食，味道都唔錯。可惜美中不足就係訂咗房之後，先至話暫停生蠔供應。真心話，如果無生蠔食，我哋又未必揀呢一間。 兩大一小齋食自助晚餐都要成$2000 ！而家$2640包一晚酒店，兩大一小自助晚餐，自助早餐，享用酒店設施，仲有兩個蛋糕送。加上整體服務都唔錯，算係性價比高。

今次再經Klook購買Miro Staycation 城景房包Yamm 晚上及早上自助餐非常好。晚上五點幾先至Check in，衹需五分鐘已經完成。酒店升級房間到Mira 100 套房，房間非常之大。週年紀念酒店送咗一支紅酒，一盒六粒朱古力同❤️意咭，非常窩心。晚上自助餐6:30到10:00，餐廳6:40來電，因為還未見我哋，來電提醒自助餐係6:30開始的；餐廳也送上兩杯香檳及一個小型蛋糕慶祝周年紀念，還有餐廳給客人戴食物的餐碟都是溫暖的，每位客人每次可以嗱三隻生蠔，所用的碟相都po上冰粒以確保生蠔的新鮮，還有其他主廚推介食物都非常好味。由其係鮑魚海鮮粥更是美味。餐廳在一些非常細微的地方餐廳都很用心是非常值得讚許。食物質素也是非常之好，值得下次再來！

今次有幸入住有spa room嘅套房，十分興奮。房間空間超大，又夠光猛，有埋個超大嘅按摩浴缸，用埋個藍牙Bose 播歌，舒服到想成日都留係房呀。 package 包咗自助晚餐同自助早餐，個自助晚餐超多野食選擇，真係值回票價，食到超飽都試唔晒啲野。早餐相對少啲野食，但基本嘅都係，但早餐時個場好多外地人，啲外國細路就咁用隻手拎啲牛角包都幾污糟。 入住當日我地慶祝週年紀念日，仲送咗枝紅酒同一小盒朱古力，酒店出嘅朱古力原來好好味的，下次可以返去買。 多謝酒店咁好嘅安排。

兩日假期去美麗華酒店食住玩，先去high tea，一行二人入住不過加多位朋友一齊食野傾計，佢叫既咖啡都有計房客8折優惠，咖啡比起其他酒店我哋覺得算好飲～ 下午茶既食物方面，隨左個蝴蝶酥冧咗，其他食物好睇又好食，食飽同朋友解散，我哋去泳池游水，可以入住前預約，每次游一小時，一日可約一次，有暖水池啱唔識游水人士踢下水，凍水池好似有2.8米高，環境都幾舒服～ 因為之前食過一間韓國人開既餐廳幾好多想再食，所以晚上出去食韓國餐廳，食飽去Donki 買浴鹽，提子同7-11買啤酒返酒店，Donki同7-11都响酒店樓下，好方便～廁所有浴缸同企缸，真係幾好～ 第二日既早餐好豐富，我覺得都幾多款，咖啡同前一日係不同位置沖，所以有些分別～ 唯一缺點係啲燈開關有點麻煩，一係就開晒佢，一係就黑媽媽，後生會容易控制，同老人家就要幫佢哋整好啲燈先～ 總括嚟講係可以再入住既酒店👍🏻

好久都未來過食美麗華食buffet B爸同女女好開心，今日Staycation估唔到有驚喜 Lunch 有香檳飲，有中式點心，炸糯米雞估唔到咁好食，和牛溫泉蛋，好大隻蝦，長腳蟹，雪巴甜品，D職員態度好，好有笑容，令人好舒服！ 同場有對新人系到敬酒，好熱鬧🥰 可能上次嘅六國酒店實在太差，今次感覺十分好，最緊要B爸及女有讚冇彈。 早餐buffet 真係好多款式，而且滿有哈囉喂氣氛，見到有好多一家大細，可能坐位有距離，樓底夠高，環境真係好舒服，職員們重會主動幫人客影相，單系炒蛋已經有好務款，黑松露炒蛋好好味，牛角酥好脆，加埋杯蕃茄汁真係好好味，中，西，日款式都有🥰 好值得帶埋父母下次一齊來，勝價比高🙂🙂🙂 不過張加床不是一般的梗床，真係推入來有轆摺得埋的加床，由於房內已有張較大的椅子，加在床後真係有點迫！ 如果一家三口不是過伴，一張床已經夠😄

今年第三次入住 Mira，喜歡這裡的午餐和自助早餐，豐富多樣，質量也很棒。另外，泳池和健身設施是我最喜歡的，不過記得在入住酒店的時候提前預約好參觀時間

黎美麗華最緊要就係為咗佢嘅食物～^_^因為網上評價話呢間酒店嘅食物款式同質素都唔錯。 自助晚餐嘅食物係呢個價錢來講都算係高質，基本上自助餐有嘅食物就唔特別講。講一d係呢個價位來講算係比較令人意外嘅食物，有生蠔、鴨肝，喺刺身方面亦都有赤蝦。壽司嘅種類都唔錯，唔似某部份自助餐廳就咁放一舊刺身上去就完，係真係有配搭個材料卷成一舊卷物。不過講真雖然款式比較多，但係味道都令人有點失望，有啲就整到太鹹、有啲就整到冇乜味….特別係有個海鮮鐵板飯嗰個，飯好似未煮熟咁，而且真係淡到試唔到佢究竟有啲咩味，但係個賣相的確呃到下人🫣🫣 呢間酒店有樣唔係咁好，就係個燈光真係好暗，唔理係餐廳、大堂，定係房間、走廊全部都好暗。最慘係房間嗰個燈光真係唔知佢可以點校，一係就勁光，一係就關晒。 唔知係咪我太敏感….夜晚嘅時候望去廁所嗰個方向，硬係覺得有啲嘢閃下閃下….唔知係咪因為廁所嗰邊太多玻璃鏡反射倒影…

這是我在 Mira 的第二次住宿。喜歡它的自助午餐，食物的質量和數量都很棒而且均衡。房間不算新，但也很大，尤其是洗浴區。

我要7月18日入住美麗華酒店，當天11:40到達check-in因為12點有個自助午餐要食！由於還未分配到房間，於是寄存行李後往Yamm食自助餐!自助餐有生蠔及鮮蝦，龍蝦鉗味道還可以！食物種類雖然不多，但是各色都有，刺身比較少種類！雪糕及甜品好好食！ 日日自助早餐都是昨天的位置，早餐種類齊全，俺列及粉面粥、炒麵！牛角包特別出色！咖啡有水準！ 整體自助午餐及早餐水準之內！唯一要改善的就是電視機訊號不穩定！冷氣一流！熱水充足泡浴最好！ 總結整個旅程十分滿意！交通方便，附近商舖林立！旅遊購物最好！下次再會參加！