獨家限定：挪亞方舟度假酒店住宿度假優惠

今次係第一次光顧呢間酒店住宿度假服務, 亦係第一次去呢個地方, 真係留下一個不錯嘅回憶！ 首先, 交通比想像中方便、快捷, 我哋就喺荃灣搭NR331巴士入去, 佢個站係正酒店門口👍, 我哋經主題公園個閘口入去。 跟住上 3/F Check-in, front desk D工作人好有禮貌同好好笑容, 知道我兒子較大個, 仲安排間闊落D嘅房比我哋, 好細心。房間好靜、床好闊、晚上冇雜音。唯一唔好, 係當晚有兩次陌生人拍我哋房門搵錯人。 晚餐時間, 由於我哋係平日去, 所以就冇自助餐供應, 我哋當晚係食四道菜豐盛晚餐, 我哋就試咗羊架同肉眼扒, 有肉香, 唔會乾身, 我就覺得幾好味同好飽。夜晚唔洗食宵夜😆 至於早餐, 就不過不失啦。整觀唔錯, 會再光顧！

第一次帶20個月大既BB staycation(4大1B)，開頭仲驚好難去好難搵。泊左架車係港鐵青衣站，再轉巴士330入沙灘廣場，約15分鐘車程，沿路去酒店指示牌清晰，都幾方便。 閒日去，Checkin好快，前台reception好nice，仲借左BB浴盤。入到房都幾大，外面仲有露天草地，不過我驚有昆蟲就無出去，兩張床都好大，不過可能瞓唔慣，仲有兩個廁所。食物方便，晚餐包既四道菜晚餐真係唔菜，每人一個前菜，湯，面包，主菜，飲品及甜品，份量好足，好滿意。早餐自助式，唔算好多款，但都幾特別，有黑松露炒蛋，肉骨茶，粢飯，日式烏冬，另外仲有煎雞扒，早餐腸，炒麵，炒雜菜，麵包，粥，沙律 生果等，味道都Ok，package仲送個鮮果蛋糕，平均約700/人，真係幾抵玩。 入到酒店先知，住酒店既住客，所有露天既地方都可以去，室內某些館/展覽就要付費，所以第一日好休閑，落完沙灘玩完，就等食晚飯，再出去馬灣廣場行左陣，但原來無咩睇，不過條路食完飯齋行都幾舒服。第二日食完早餐就出去方舟打咭影下相，返房執下野11點就Checkout。

客房乾淨整潔，有點老式。儘管選擇有限，晚餐套餐味道還是不錯的，早餐滿足了我的期望。酒店工作人員非常樂於助人。地點很好，但只有公共交通，不允許私家車。

酒店員工服務友善整體體驗良好 酒店安排免費升級入住主題房間 check in入住流程暢順方便快捷 入住房間寬敞乾淨舒適 酒店提供即棄拖鞋牙刷牙膏毛巾樽裝水供應齊全 至於酒店自助餐晚餐 環境舒適 食物種類比較 選擇少 有改善空間 食物質素 一般尚可接受 例如炸食物係淋嘅及燒牛肉係無牛肉味 反而要讚揚係甜品質數有驚喜 至於食物嘅補給充裕及快捷 服務員態度良好  清理污糟碗碟非常快捷 整體體驗良好 所以今次慶祝假期我們一家都感到非常滿意

包門票, 兩日一夜, 再食個自助晚餐, 值回票價！

酒店遠離市區，幽靜閑逸，房間空間大，應是4人房，可能是平日時間，比較小人入住，故有大房提供給我，床褥枕頭舒適，酒店行去沙灘好近，沙灘附近有多間餐廳，在此歎咖啡，望住日落， 寫意舒適，酒店套票提供豐盛晚餐，菜式豐富，是次入住感覺美好

中秋節到挪亞方舟渡過兩日一夜，比想像中人流較少，由於今次的套票不包挪亞方舟內的展館入場，各樣設施都要收費，所以相信不能吸引一家大小的渡假，還好套票包了自助晚餐，食物質素還好。是次體驗能夠在靚橋景下在馬灣沙灘與家人共渡節日已經很滿足😍💗

超好的體驗！！！房間裝潢很可愛，自助餐的食物品質也很好！馬灣夜景美極了！值得再次來度假。

2020年老公生日驚K look訂咗挪亞方舟酒店慶祝生日❗️🥳🥳🥳 亞仔念念不忘，多次話佢生日都要嚟呢度慶祝。咁啱見到有自助餐➕住酒店套餐，即刻訂❗️😍😍😍 疫情下樂園暫停開放，自助餐改響酒店房食。阿仔最後決定都係乖乖留係屋企，致電酒店改期。職員話可以六個月內再揀日子。日子已定好，希望疫情快啲減退，可以盡情去玩啦❗️🙏🏻🙏🏻🙏🏻

第一次留評價，性價比非常高！ 訂了四人套票，同老人家一齊度假 早餐選擇算多，薯餅，炒雜菜同粥都味道不錯👍🏻 晚餐亦有驚喜，份量都足夠。 其中一位短髮女侍應員工十分有禮貌，亦樂意解答疑問！ 房間雖然唔算新，但係十分乾淨，仲有兩個廁所，乾濕分離非常好 但床頭無插頭，有啲唔方便 另外套票包一隻熊公仔，雖然製作過程簡單，只需入棉花同自己縫合，不過質素很好。 呢個價錢包兩餐同熊仔，十分適合一家人黎放鬆一下