【冰雪運動】珠海毛林金灣大酒店住宿套餐

如果唔係一定要於通公仔或追求房空間感，小廁所，腳踏小牙刷果啲，自助早餐呀咁（叫有野落肚😏），真係可以唔駛住呢度都得。酒店泊車係free不論妳係咪入住行過都泊得。佢既冰雪城同兒童遊樂城喺大衆買票都係400港紙就有齊兩個遊樂場既雙人票因為買一送一。個遊樂城好玩既～好大～碰碰車排完又排玩左好多轉，星期日下午打後同星期一都唔多人，就算要排隊都好快到，有見某啲留言話衛生好麻麻，酒店房合格，我都抱住搏一搏既心態，遊樂場個釣魚池就真係污糟到不堪入目，好心掉左佢，其他遊戲機果啲都OK~波波池同沙池好大亦乾淨，見到有lego枱同動力沙玩，不過我地無玩唔清楚，主力玩刺激，爸爸玩VR都覺得唔錯，第二日去冰雪城就失望左啲，呢邊比較舊，佢有冰上單車但呢個場太細其實好好玩可以飄移，我地唔識溜冰，個溜冰場就好大，識玩一定好正，好多遊戲機任玩。同埋一啲都唔凍，小朋友一件薄外套就ok,男人T stirt夠，但玩雪就一定要有手套，同較防水既外套連帽。場內有得自助買手套，但要支付寶同wechat個信用度夠高，掃code後先開到個自助購買櫃個門，開到門攞左咩就自行喺app度付款。我買唔到，小朋友興趣亦不大，坐住個盤滑冰梯我仔7歲，玩一次就夠～佢情願打機。 整潔度：75分 酒店地點：90分對面有商場 服務：100分廁所仔要用一入住就要講佢攞定比妳，我地打去問延遲退房，最後由12可延到2點。 早餐：70分叫有野落肚啦，10點完，9點45都仲比入只係野食無咩淨，有得排即整夾餅我懶等，鮮果沙律幾好食，多士自己烤，其他野就⋯⋯ 整潔度：房間100分 遊玩設施70分

三日兩夜之旅實在好玩，湊小朋友嚟玩，真係明智之舉。剩係玩酒店設施，泳池，雪城，兒童樂園都已經好夠放電。自助海鮮晚餐海鮮多選擇，唯海鮮無乜味道，但勝在食物選擇多。下次還會再來。

Package已包樂園同冰雪門票，又包自助早餐，klook比其他平，酒店好大，房間整潔，親子房有兒童浴衣，拖鞋，兒童沖涼用品，牙刷等，我地3點15分到酒店check in，櫃檯話如果要一齊既話就要等到4點先有房，因我地係2家庭一齊去，當然想係隔離方便照應啦，但係唔知點解要隔左一間房，可能暑假多一家老小去玩掛。酒店有露天泳池，樓下已經係playhouse，行過對面就可以溜冰了，就算呢幾日落雨都唔怕，另行出酒店對面就係一個大型商場，入面可以行街食野，小朋友玩得好開心，下次會再係klook買票

適合一家大細來玩三天兩夜，有得玩雪，有得玩Playhouse，對面有個濕地公園也可以去走走。過條馬路就係大型商場(華發商都)，很多餐廳可以選擇，不愁沒有美食。 早餐：豐富，可以早點來避開人潮,九點開始很多人. Dinner buffet 有凍海鮮, hot pot, 味道正常，但 吃buffet 便沒有時間玩。如果想多啲時間玩去對面商場吃, 話叫美團外賣 會方便啲

klook住宿套票包兩晚親子雙牀房，兩大一小自助早餐，兩大一小無限次進出冰雪運動城和兒童遊樂城門票(連退房日都可暢玩)。酒店設室外恒温游泳池，大人無邊際池1.6米深，兒童池0.8米深。酒店正對面是華發商都，覓食無難度，晚上還可在池邊放煙花。一站式吃喝玩樂，值得來。

playhouse超級好玩!玩咗兩日都唔厭，大人細路都玩到唔捨得走～泳池幾好，開到夜晚九點，食完飯可以慢慢去游夜水！酒店隔離過條馬路就係商場，超級方便，啲餐廳嘢食質素都唔錯！夏天避暑幾好！冰雪世界就細咗啲，對細B嚟講就麻麻哋～

這酒店真是性價比高的親子酒店，而工作人員也是對小朋友們友善及親切。 而室內遊樂場真的可以滿滿的玩上兩三天。而酒店對面過緊路便是大型購物中心，衣食住行也是很方便。

孩子非常開心的酒店！ 早晨豐富又合孩子口味！對面有大商場，不擔心沒得購物和食飯，但走去是露天的，大雨下會有點濕身。Playhouse冰雪世界都好適合孩子們玩，初初還怕大女兒悶，點知有卡丁車、非常多的VR體驗、遊戲機、籃球機、溜冰⋯⋯全都免費玩！ 連平時商場$50次的車車也有！ 感覺照值！ 冰雪世界不凍，不用換厚重的褸褲，穿平常衣物便可～ 溜冰鞋和海豚都是免費的～ 但用頭盔和VR的用具，這個地方沒有頭套提供，所以早上玩比較好，下午開始臭了。

金灣毛林大酒店非常適合帶小朋友前往，所有活動都在室內進行，冷氣充足，而且過個馬路就是大型商場，非常方便。

這酒店真是性價比高的親子酒店，而工作人員也是對小朋友們友善及親切。 而室內遊樂場真的可以滿滿的玩上兩三天。而酒店對面過緊路便是大型購物中心，衣食住行也是很方便。