【Προπώληση Καλοκαιριού | Μεγάλη Προσφορά Μέσης Χρονιάς】Πακέτο Διαμονής στο Ξενοδοχείο Tangxia Sanzhengbanshan Hot Spring, Dongguan

幾年前夏天來過玩水，事隔幾年酒店都仲keep到水準。雖然酒店唔新，不過好乾淨，溫泉池數量夠多，所以好多時都唔需要同其他人共用一個池。酒店有中餐廳，點心味道唔錯，不過價錢唔平，自助晚餐看似吸引，不過味道比以前差左，所以可以考慮call車出去食飯，大草地燒烤或者叫外賣，早餐比晚餐好味。除左溫泉，仲有其他活動，小朋友揀左玩越野車，場地比卡丁車大，仲有大草地有小小型市集，買杯咖啡同小食坐係帳篷下的確幾chill!

今年情人節同老公搭高鐵去咗東莞塘厦三正半酒店浸温泉，好正好Relax，消除積存已久嘅疲勞！此酒店標榜其温泉喺真温泉，我都覺得浸完之後皮膚好咗，個人精神咗！我同老公最鍾意土耳其浴特色區的壓力水花灑，當中有2支大水柱一㩒掣時，水會大力噴射落身上，你可郁動身去就水力，令水射在你肩膀，pat pat 等，很爽很治癒的感覺！其他如紅酒，㗎啡，茶園，美肌，減脂池都好正！另包埋嘅dinner buffet 最正係甜品，整得好靚好精緻，又幾好味！有機會會再去鬆馳吓！

酒店很大，有很多房間，我的房間有一個露台，對着一個湖，湖上可以划艇，客人可以免費泊車，有室內室外的停車場，溫泉與酒店距離一百多公呎，步行大約5分鐘左右，亦可以搭免費的golf kart，溫泉和泳池是在一起的，佔地很大，有很多個不同的溫泉可以浸，相信夏天的時候泳池會有好多人，還有一個小型水上樂園，早晨有很多食物選擇，亦坐得很舒服，酒店內有一個超大型的playroom，非常適合小朋友玩，¥168就可以玩24小時，第二天食完早餐又再去玩，包兩對防滑襪和10個遊戲代幣和一次碰碰車，整體來講十分滿意，夏天會再來。

買了三日兩夜，包2大2小但我哋只有一家三口出發！我哋喺福田口岸打車過去都唔使$100車程就至少要半個鐘起！由於冬天泳池無開，而阿女第一次浸溫泉好開心，好似去咗泳池咁！同埋想講個溫泉區真係好大好大，有好多選擇！我哋係親水區，咁啱喺温泉附近就咁行過去好方便！住方面老公就話酒店內外都有d舊而我都有同感，不過對我嚟講都ok！另外自助餐早和晚都好滿意都有好多嘢食可以選擇，𡯁其蛋糕很出色影相呃like一流！只係無時間只能夠住2晚好快就要走好唔捨得！

此親子酒店可輕鬆令小朋友放電！今次的旅程十分感恩能遇到前台接待我們的陳超群女士！多謝她細心的安排😘每個細節都留意到，如會溫馨提示我們可參與的酒店活動並付上手寫各項活動時間！即使我地訂房中有出現問題，她仍能切心而迅速的安排使我們的行程得以順利完成🫶🏽非常感激你的專業用心🙏🏽下次有機會我們會再與朋友計劃或推薦大家前來玩😆 服務：🌟🌟🌟🌟🌟

幾滿意呢次體驗。環境優美，陽台對出係泳池，甚至乎可以打開欄杆，直接行落去。不過就冇人游嘅，因為水度有好多樹葉同雜質，唔知夏天會唔會好啲呢。溫泉池非常多個，好似有30幾個，大部分都係40度或以下，唔算好熱，多數個個池都有人，都幾熱鬧嘅。自助晚餐唔算好好食，但款式夠多，食得飽，仲有live band，滿意。

酒店房間有點舊但冇味乾淨,水道、人造沙灘啲水係凍不是恆溫只好浸溫泉,（天池水療/室內泳池是恆溫！）自助晚餐豐富烤羊肉好好食！有長腳蟹腳,即燒生蠔,大閘蟹（小閘蟹）好正！東海鮮鮑魚好假冇味！ 交通便利性：深圳過去40分鐘唔使 服務：前台客服識聽廣東話耐心解答 早餐：MVP即做腸粉👍

相隔4年，今年一家四口又返去探望這家酒店玩水，今次竟然獲酒店安排一間親子房(房型是池畔豪華大床房，可以由房內直接落水)，前台服務員說是因為我下單時已經有加床要求，所以亞哥的加床費也可以慳返了，我覺得其自助早餐及晚餐的食物很豐富，因好多人吃，所以到步check in後要即時訂位，只是冷氣有少少不夠，但絕對無阻食的意慾，三次到訪也是開心的體驗，今次首次經KLOOK訂此酒店，因為價錢很低買👍🏻

環境舒適，地方很大，我最初購買的是3人套餐】客房1晚（含3人自助早餐+3人自助晚餐+水世界暢玩）到酒店後，見環境不錯，便經前枱介紹，加錢升級了住一棟兩層別墅區了，打開客廳門便可以直接下泳池，而且更近走到溫泉區。klook這個套票不錯包自助早餐，晚餐。使我免煩惱打車出外用膳的時間。酒店戶外設施有水上樂園，温泉，在大草原，可以付費玩單車，高卡車，遊湖等，戶內有麻雀耍樂，健身中心，夾公仔區，中午我選擇了酒店內中式酒樓，我建議選套餐較花算，份量充足。晚餐西色自助餐。食物也豐富且有特色，包有火煱，龍躉魚，牛肉即場切割，最後，－讃的是前枱小妹，Zoey,她很貼心，有禮懇，詳細介紹温泉酒店內好玩的地方，又經微信提醒我們用餐時間，注意事項，又送上果盤，十分窩心。兩日一夜行程，真的不足夠時間享用所以酒店設施，下次，與家人，朋友再來時，我亦會選擇Klook平台的。 酒店地點：地方範圍大，風景優美

雖然酒店有點老，但整體都可以接受，因池畔親水房關系，長期濕氣另房間 間中有D味，見房內都有清新機，房間同園區都算保養得好，設施玩樂很多，住了3日2夜，都不夠時間玩。另加購了自助晚餐食物款式都算多。每位工作人員態度十分好很親切，有問必答很詳細還帶路指引這個真要讚