【Προσφορά περιορισμένου χρόνου】Πακέτο διαμονής στο ξενοδοχείο Zhuhai Imperial Hot Spring Resort | Γεύμα πανηγυριού | Ιαματικά λουτρά

今次是和家人第一次去御溫泉,喺拱北口岸上車，一落車真係嘆為觀止，估唔到啲設施好新淨，而且好乾淨所有工作人員都好有禮貌。尤其是接待員韦秋宇,知道我們是第一次去，所以他很用心介紹每一寸地方給我們知道和怎樣去。還有佢知道我們預訂的是運來客棧，但係因為我們五個人比較迫，升級了去長盛莊住,這個服務態度真係要讚。而且溫泉真係好大好靚好乾淨真係好舒服。還有套餐係包按摩，佢哋嘅按摩質素都好好，而且個大廟會套餐真係好多嘢食,簡直係好開心，好似去咗另外一個世界咁，但係我覺得對於老人家嚟講就有啲困難啦，因為他們太大嘅地方而每次只可以攞一隻碟去拎就比較困難啊所以我可以提議如果有嗰啲手推車放食物for老人家就更好了。下一次我都一定會再帶小朋友去玩，這個這個地方真的好值得推介，有遊戲玩有咖啡，而且有酒吧，老中青都啱玩👍👍

今次也是玩得很開心 工作人員友善又有禮貌 食物環境非常好. 早餐很豐富 晚餐大廟會可一邊食嘢. 聽歌玩遊戲 放煙花好好玩 我會推薦给朋友

非常好 一定會再去的 職員服務態度好 住宿不錯 溫泉好 舒服乾淨 溫泉和泳池會定期清潔的 房間乾淨整齊 睡眠好 廟會晚餐好食 😋是一個有趣的新體驗 邊走邊吃 一邊走一邊去排隊攞食物 早餐都有多款款式的美食 有不同國家的 去到才知道沒有煙花看只可以玩仙女棒 按摩舒服 套票是2人上房 是住在雲來客棧 房間好漂亮😍😍像日式風格房間 有廟會晚餐 自助早餐 單車劵 遊戲劵 煙花劵 下午茶劵 因為時間關係單車劵沒有玩 酒店有免費接送 在港珠澳大橋口岸或拱北口岸

Hi，我系葵青🐼，今年生晨去左御溫泉，原本以價錢來睇都算貴，玩完後，覺得 超！超！值👍，平靚正好玩好食😋，有免費專車接送來回關口，前台，後台，所有路過員工都都都非常有禮貌👍🥰，服務頂流；住宿方面訂左長盛莊，體貼用心，提升左雙邊閣樓，兩邊睡床及廳都有3種充電線備客人需要🫰；到晚上大廟會，真估唔到會咁好，一路行一路食是這處一大特色，亦可以隨時座下進食，食品種類多到食唔曬，食食吓又可以去玩攤位贏衙票，之後又再食，4小時唔覺唔覺就好過左😂，食玩完又可以再去浸溫泉，直系唔想返房瞓。。。第二天，早餐像似小廟會，食品種類多都食唔曬，食完又再浸，直至下午1時離開，送回到關口；已約左朋友下次再來🤣🤣🤣

staff are very helpful and polite, the atmosphere is very energetic, impressive. The night market buffet is very nice, the decorations are stunning. The fine details make the experience very immersive. Definitely recommend this to others.

整體評分：9/10 星期四入住，11點到達辦理大廳。 工作人員識講粵語，服務態度好積極友善。 本身12點check-in竟然即刻有房，仲由雲來入格免費升級到長盛閣長莊。 拎咗房卡，坐接駁電瓶車入去，幾分鐘就到。 入到房，左邊一排兩個洗手位，右邊有衣櫃，隔離廁所+浴室。 再行入去係廳，有電視、電話同兩張雪豆梳化。 挨住廁所出面有張長櫈、茶几，同埋雪櫃。 廳再入去係和室，升高地台，張檯可以收返入地台成為一個平面。 計埋左右閣樓，最盡擺到4張雙人床墊，屈蛇8個人都OK。 閣樓已鋪好床，樓底夠，坐直條腰喺床上唔會壓頭。 間房好乾淨，冇塵冇漬，住得舒適。 御溫泉主打兩樣嘢：大餐廟會同24小時溫泉 其餘時間幾清閒，所以周圍擺咗好多嘢俾人玩。 掟標、篤波、康樂棋、餵牛同驢仔、踩雙人單車... etc，仲有酒吧可以chill下。 鍾意影相打卡可以租和服著，周圍有好多靚環境適合影相。 夏天人流相對少啲，但確實熱。 大餐廟會排隊攞嘢食都係有蓋嘅室外。 周圍有吹風機，亦有空調室內空間，有檯櫈嚟食嘢。 唔怕熱嘅室外都有檯櫈，仲有吧檯方便立食。 大部分檯上有紙巾，呢個位幾貼心。 場內有幾個位有得洗手，唔洗下下搵廁所。 呢度啲嘢食味道唔差，大陸啲菜本身就好食，呢度用生鐵鑊炒，好夠鑊氣。 另外，有一盅盅嘅燉湯，有花膠雞、老鴨，較特別係鹿肉湯，幾補下，好飲嘅。 其餘仲有牛舌、鹽焗蝦、食完冇肚痛嘅三文魚剌身、片皮鴨、長沙臭豆腐，呢啲都好唔錯。 每樣試少少，食完一圈基本上都7成飽。 場內有幾個位有大雪櫃，汽水啤酒任飲，仲有封好蓋嘅檸檬水。 食完啲油膩、重口味嘅嘢，同埋熱到出晒汗，飲返杯無糖凍檸檬水真係好爽。 有啲車專門整手打檸檬烏龍茶，又可以拎罐可樂俾佢加冰整凍檸樂，正。 除咗食，仲有啲攤位玩下，最多人就係玩大細嘅賭檯。 呢啲都係用「娛樂圈票」同「衙票」，玩晒都唔肉赤。 玩唔晒可以去買冰糖草莓，或者去睇相、打小人。 飲飽食醉行下消化下，返到酒店就準備去浸溫泉。 雲來客棧同長盛閣各自有通道直達溫泉區，喺房換好泳衣可以直接搭𨋢入溫泉區，幾方便。 去到溫泉區首先係酒店專區，其實其他人都可以浸嘅。 溫泉區話大唔大，話細唔細，但算有幾多種類嘅草藥池。 其中比較鍾意鹽池同咖啡池，特別係咖啡池真係有陣陣咖啡味。 除咗浸溫泉，如果時間唔太夜，仲有糖水可以食，到處亦有茶可以自由飲用，都幾貼心。

珠海御溫泉。15xx/兩位包早晚下午茶，包溫泉，溫泉區有不同小吃，甜品或涼茶，溫泉區唔太大但夠玩，最正係自助晚餐食4小時，一路行一路食但因在室外，食到尾水熱到要返房換衫休息下再出去食多轉. 晚餐有好多娛樂活動. live band, 煙花，賭枱，遊戲檔。第二日早餐都係自助餐，之後去浸腳 唯一缺點係有d遠，坐A巴士去港珠澳過坐金巴，再轉佢哋的shuttle bus, 由8：30出發到酒店門口都12：30。 特別節目：打小人 特別美食：蟲，梅花鹿湯 可惜：無着古著，無影靚相 自費： 餵魚及按摩

御溫泉酒店套餐，包免費由港珠澳珠海口岸接送，性價比非常高，會再去的，建議選11am班次,盡早到達, 因為除了24小時溫泉,其他活動也非常豐富, 未必可以玩晒所有。今次係星期二去，選的是雲來客棧,因為客人不及周末多,酒店既可提早入住，亦升级了大床房👍.整體服務非常貼心主動，温泉設備齊全, 最欣賞香薰池的薰衣草香味,也有咖啡池,姜池、醋池及多種中药池。酒店房提供拖鞋, 温泉職員不時主動招待茶水：羅漢果茶,茉莉花茶,檸檬水以至竹蔗茅根水, 雪糕和甜品亦不斷供應休息時享用.晚餐早餐更是驚喜目不暇給，大部份都是即叫即做，多款式，又美味。Klook 套餐獨有90分鐘精油按摩很高質，完成後毋須顧慮是否需要付小費, 一切隨心, 很週到。整個御溫泉酒店區有很多日式打咭位, 有興趣亦可付費租借浴衣連頭髮造型服務, 特別適合愛拍照的美少女及情侶們. 最後,當然要記得𢹂帶泳衣;不過萬一真的忘記,温泉亦有泳衣供購買，如果说唔介意，也可向温泉借用.

服務：所有員工都非常有禮貌! 而且有酒店巴士接送服務,一出廣珠澳大僑關口步行3分鐘就到巴士站！ 整潔度：溫泉水喺假日去必定唔太乾淨,但見到佢地真係keep住成日換水洗池,所以我哋都係選擇人少或者望落去乾淨啲嘅池黎浸。早餐晚餐都係好岩食,選擇多,不過晩餐就係邊行邊食,玩下又食下咁既形式有點攰,如果有老人家就唔太合適,因為撞正假期人多到每個攞野食既地方都大排長龍，又唔夠位坐,連企位都無食得好辛苦，平日可能好d。

回味無窮，物超所值! 套票已經包齊哂食、住、玩、交通，不需再額外花費用錢，十分方便。服務員上上下下全部都好熱情有笑容有禮貌，令人賓至如歸。大餐庙會地方大得超誇張，食物款式多不勝數，大部分即點即做好有誠意，吃不完根本吃不完...早餐亦是美味非常，吃完都可以飽到晚上。整個園區別具特色，用心經營，日式x 古代風格有趣又好多打卡位。安排的活動如浸温泉，放煙花，攤位遊戲，踏單車等都老少鹹宜，两日一夜過得很充實，簡單快樂，恰到好處。有機會有快閃價還會想再去~