নর্ডিক উটগার্ড নর্ডিক গ্ল্যাম্পিং অভিজ্ঞতা | তাই কং পো

本身都擔心設備會好舊 但問左CS會有定時更新同維修 去到現場睇其實唔係想像咁差 個帳幕同營帳都係正常折舊 露營凳亦都充足同埋靚仔嘅 杯杯碟碟砂煲罌罉廁所熱水全部都冇問題 營帳入面都係乾淨冇異味冇大型昆蟲 我地係租北歐款大營所以空間感好夠 老闆亦好好 一入營就提供蚊香同gas 見我地有帶小朋友去 仲比埋遙遙木馬比小朋友玩 入夜發現煮野食地方唔夠光 同老闆反映佢亦提供到多盞光猛既 燈 感謝感謝❤️ 雖然話入營係五月天氣會熱 但咁啱果日落雨 老闆都擔心夜晚溫差大 怕小朋友唔夠暖 主動提供暖爐比我地 好貼心👏🏽 我地入營果日係平日 所以好似包場咁 第二朝天氣好 老闆都好樂意比小朋友喺大營地周圍走周圍參觀同踢波 咁啱見到有其他人帶埋狗狗入營 原來呢度有提埋狗狗游水水池 總括嚟講 比小朋友親親大自然既話 呢度性價比好高 係唔錯既選擇☺️

সুবিধাগুলো কিছুটা পুরোনো, তবে সামগ্রিক অভিজ্ঞতা ভালো ছিল এবং পরিষেবা যত্নশীল।